Bertsos - Ver ficha Más información sobre esta sección
2005-03-20 Donostia Sariketa [Bertsoa] / Nahikari Gabilondo, Felix Zubia
| Bertsoa entzun |
2005-03-20 Donostia Sariketa [Bertsoa] / Nahikari Gabilondo, Felix Zubia
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
F. Zubia:
Zeinen doinu polita
Mozarten aidea
zailtasunak ugari
berekin ordea:
biltzen ditu bai poza
ta bai nahigabea.
Izan nahi bazenuke
abilidadea
jarraitu behar dezu
neronen bidea.
N. Gabilondo:
Pianoan doinuan
arin eta alai
tarteka oztoporik
izaten det etsai
baina zure gisara
aritu nahi det ai!
Ta zeure bideari
ekin eta jarrai
abildaderik ez det
borondatea bai.
F. Zubia:
Alperrik mila mitin
ta mila teori
borondateak badu
nahiko kategori.
Burutik hatzetara
erritmoa jori
nahiz ta tekla berean
sarritan erori
ahaleginaren bidez
gainditzen da hori.
N. Gabilondo:
Nahiz orain arte jardun
naizen borondatez
zerbait lortu nezake
izerdiz ta nekez;
zuk segi erakusten
horrela mesedez
baina esan dezuna
banekien aurrez:
behin ta berriz eroriz
ikasten da oinez.
F. Zubia:
Gainditu zenitzake
mila ta bat traba
zeure eskua bada
gogoen islada.
Orain amets polit bat
egingo det hara:
Milango Escalara
biok joango gara
pieza hau jotzekotan
ta lau eskutara.
N. Gabilondo:
A ze proposamena
galdu det oreka!
Amets hori izan det
barruan tarteka.
Lehen aldapa nuena
orain det ordeka
ni hara eramaten
zu ez zaitez neka
zurekin ikasia
nahikoa det eta.