Bertsos - Ver ficha Más información sobre esta sección
2007-10-19 Durango Jaialdia [Bertsoa] / Jexux Mari Irazu Muñoa, Maialen Lujanbio
Bertsoa entzun |
2007-10-19 Durango Jaialdia [Bertsoa] / Jexux Mari Irazu Muñoa, Maialen Lujanbio
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
J.M. Irazu: Kaixo amnesia zer moduz zaude?
Aspaldiko lagun zaharra!
Zuk badakizu haundia dala
oroimenaren indarra;
lehendabiziko datu bat behintzat
dago oroitu beharra
Gerra Zibila ez zela izan
altxamendu militarra.
M. Lujanbio: Hori seguru da alde batek
bakar-bakarrik diona
beste aldeak ez dio hori
ta ez da berdin biona
autodefentsa mekanismo bat
da-ta guzti-guztiona:
jendeak ez du gogoratu nahi
lehen mina eman ziona.
J.M. Irazu: Igual oroitu nahi ez du baino
hala're ezin egon lasai
iraganetik atera leike
oraindik zenbat ikasgai
altxamenduak Jangoikoaren
laguntza ere ia ai;
Jainkoarena ez dakit baina
Elizarena behintzat bai.
M. Lujanbio: Baina batzutan hobe da lehengo
kontu zaharrak ez nahastu
nahiz ta batzuek sufritu zuten
ta besteak aberastu;
dena ahaztu zaigu memoria egin da
murriztu eta eskastu
Jainkoak ez du hitz egiten ta
Jainkoan etxeak ahaztu.
J.M. Irazu: Jainko etxea haundia eta
haunditu leike gehiago
oroimena're etorri leike
igual pixkat gerturago
konparaketan ez det sartu nahi
hala're oroitu geroago
lehenik Durango erre zutela
Gernika baino lehenago.
M. Lujanbio: Zure datuak ze zehatzak ta
zure memoria ze on!
Alperrik zabiltz nola burutan
errotuta ni neu nagon.
Erre zuten bai erre zuten bai
hura juan zan ta hor konpon;
hori jendeak oroitu balu
lege beharrik ez zegon!