BDB Bertsolaritzaren datu-basea

Información general

Kategoria

Bat-batekoa

Actuación

2008-08-17 Bilbo Jaialdia

Gai-emailea

Urrutikoetxea, Urtzi

Bertsolaris / Autores

Peñagarikano, Anjel Mari

Ejercicio

Bakarka gaia-emanda

Tema propuesto

Anjel Marik Bertsozale Elkartearen azken buletinean zutabe bat idatzi zuen bertsotan ibili den urteotan gertatu zaizkion bitxikeriez eta anekdotez. Santiago plazaren bueltan ere entzun ditugu hainbat kontu. Zer esaten dizute herri txikietan Bilbora bertsotara etortzeaz eta abarrez? Kontatu anekdota batzuk.

Descripción

Melodia

Mundu honetan holako gauzak

Nombre de la estrofa

Hamarreko handia (hg) / Bost puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2008-08-17 Bilbo Jaialdia [Bertsoa] / Anjel Mari Peñagarikano

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

Bilbon kantatu nuen behin baten
ez dut oroitzen egunik.
Gero galdera egin zidaten
nere herrira joanik:
"Nundikan hator?" Ta nik "Bilbotik"
egi osoa izanik.
Egia esan ez nun espero
nik halako erantzunik:
"Zer esaten dek? Bilbon kantari?
Han ba al dago euskaldunik?".

Beste batean telefonotik
nituen nobedadeak
herri hartako gazteak nunbait
hain ziran lotsagabeak.
Bertsolariak nahi zituela
herri hartako jendeak
eta baldintza ipini zidan
neri festa batzordeak:
bertsolariak lau izatea
belarritako gabeak.
Gazte nintzala han joan nintzan
behin herri txiki batera
nonbait Basarrik ibiltzen zuen
euskaldunaren jazkera.

Bi emakume hurbildu ziran
eta ipini harrera.
Haitako batek hala esan zidan
begira goitik behera:
"Galtza bakero zapatilekin...
zu bertsolaria ez zera!".