Bertsos - Ver ficha Más información sobre esta sección
2008-01-06 Oiartzun Jaialdia [Bertsoa] / Jon Maia
| Bertsoa entzun |
2008-01-06 Oiartzun Jaialdia [Bertsoa] / Jon Maia
Nombre de la estrofa:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localización:
XDZ - Xenpelar Dokumentazio Zentroa
Txirrina jo du berriro
eta altxa gera di-da!
Monotoniak dakarren
eguneroko harira.
Bagoaz patiorantza
presoen lerro segida
burua nola altxatu
bista daukagun tokira?
Baina gaur erabaki det
banoa patio erdira
ez dut ezertxo egingo
erabakia hori da
ta bertsotan hasiko naiz
libre doinu ta neurrira
leku denetan berdina
den zeruari begira. (bis)
Automata baten eran
makurtzen zaigu ahala
gero eta makurrago
denbora pasatu ahala.
Gogortua dut bihotza
gogorragoa azala
desagertu da behin sartu
zuten nerabe makala.
Orain kantuan hasi naiz
txori bat banintz bezala
nahiz harlauzen oholtzara
heltzen den hormen itzala.
Gora begira beste bat
botako det berehala
ta pasatu den txoriak
etxera eraman dezala! (bis)
Ezagutzen dut tortura
kartzela ta kartzelondo.
Ezagutzen dut bai mina
nahi ez nukeen bezain ondo.
Jo dut nere barreneko
bihotzaren pe ta hondo
baina hala're ni ez naiz
berriz isilik egongo.
Berdin du Zisjordania
Arrasate zein Durango
jende zapaldua gera
baina ez dugu etengo!
Kantatu nahi dugu-eta
ez dugu amore emango!
Inoiz etsiko bagenu
ez zen kanturik izango. (bis)