Bertsos - Ver ficha Más información sobre esta sección
2009-04-05 Zegama Jaialdia [Bertsoa] / Amaia Agirre
| Bertsoa entzun |
2009-04-05 Zegama Jaialdia [Bertsoa] / Amaia Agirre
Nombre de la estrofa:
Hamabiko handia (hg) / Sei puntuko handia (ip)
Localización:
XDZ - Xenpelar Dokumentazio Zentroa
Hamasei urte bete berriak
ta mutil batekin ihes
esperientzia eza gidari
ta barne izua juez.
Kotxe batean ze deseroso
nahiz haundia gendun aurrez
berak agindu ta nik jarraitu
banuen nahikoa babes.
Baina geroztik sexuak ez dit
sortu hainbeste interes.
Hiztegietan zer den badakit
baina nere soinean ez.
Prekauziorik hartu ez eta
aritu ginen zirt ta zart...
Oroitzapenak berritu zaizkit
umeari begira bart.
Geroztik mutil haren ondoan
ni gaizki nabil erabat
erru guztia nerea omen
ta ez nindun hartu aintzat.
Baina orandik ohekide det
nahiz ta ez juzgatu ontzat.
Hanka zabalik hartzen det baina
bihotza itxita daukat.
Baina umorez segi nahi nuke
gaur Zegamako partean
bertsotan nabil nere gisara
txaloen eskaparatean
Amaia, Amaia baita barrutik
ez berarentzat kaltean
orduko hura utzi nezake
txokoan edo apartean.
Gaur orgasmo bat senti nezake
bertsoz eta bapatean
barruan zerbait sentitzen baitet
bi txapeldunen artean.