BDB Bertsolaritzaren datu-basea

Información general

Kategoria

Bat-batekoa

Actuación

2009-09-06 Elorrio Jaialdia

Gai-emailea

Berriozabal, Maite

Bertsolaris / Autores

Estiballes, Arkaitz

Ejercicio

Bakarka gai-librean kartzelako-lana

Tema propuesto

Kontrol neurriak gero eta handiagoak ei dira gizartean. Eraikin honetara sartu zarenetik gutxienez hamar kamara ikusi dituzula ohartu zara.

Descripción

Melodia

Abokatuak deitu berri dit

Nombre de la estrofa

Hamabiko handia (hg) / Sei puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2009-09-06 Elorrio Jaialdia [Bertsoa] / Arkaitz Estiballes

Nombre de la estrofa:  Hamabiko handia (hg) / Sei puntuko handia (ip) 
Localización:  XDZ - Xenpelar Dokumentazio Zentroa 

---

Mundua nola aldatu zaigun
hauxe da gero pasada!
Eta txarrerantz egiten doa
hemen ai azken bolada:
Alde Zaharrean zabiltzanean
tabernatik tabernara
igual paisanoz dijoan nonok
zasta! lehen begirada
gero kontrolak errepidean
eta kalean kamara
laister amaren barrutik ere
preso aterako gara. (bis)

Ez dakit gure mundu triste hau
edo neu nagoen zoroa
baina jenteak adierazten du
segurtasunan gogoa:
"Jarri nire kalean kamara
etxera lasai ez noa
polizia askorik ez dabil
hori da nire susmoa"...
Horrelako hitzak entzuteaz
ni aspertu naiz mordoa
kontrol gehiagokin be mundua
ez da seguruagoa. (bis)

Bilbon ere ointxe jarri dituzte
ehun ta hamar kamara piku
saihestu nahi omen dituzte-ta
ez dakit zenbat delitu.
Horretan dirua gastatu bai
gure poltsikoak siku.
Irtenbiderik egoera honi
ezin bazaio aurkitu
demokrazia deitzen dan honek
ez du hainbeste meritu
gu kontrolatzen gaituzten hoiek
zeinek kontrolatzen ditu? (bis)