Bertsos - Ver ficha Más información sobre esta sección
2009-07-12 Lezama Jaialdia [Bertsoa] / Onintza Enbeita, Jon Maia
| Bertsoa entzun |
2009-07-12 Lezama Jaialdia [Bertsoa] / Onintza Enbeita, Jon Maia
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
J.Maia:
Legeak gauzak hola
eskatzen ditu-ta
banatu behar gera
dena zure kulpa.
Dirurik ez ordea
ze pobrea uzta!
Behintzat egin dezagun
ohea bi puxka. (bis)
On. Enbeita:
Zure proposamena
ezin hartu aintzat
ni ez nozu hartuko
gizona tontotzat.
Oge osoa neutzat
behar dot nik behintzat
eta egizu kortan
koarto bat zeuretzat. (bis)
J.Maia:
Hemen ganadua zen
gizona baino lehen.
Ondo dakit nik zure
estiloa zein den!
Dirurik ez daukagu
badakizu zeren
dena soinekotxotan
gastatzen zenuen. (bis)
On. Enbeita:
Harrotu egin jaku
ta gizona aitu:
igual mundua hemen
amaituko jaku.
Ez dakit hortaz zelan
zaren konturatu
ez badeustazu inoz
zuzen begiratu. (bis)
J.Maia:
Gaztetxoko garaia
ja ez dago hurbil
baina ni mantendu naiz
apal eta umil:
hamabost urtetako
galtza berberaz hil
txiki geratu arren
berdinekin nabil. (bis)
On. Enbeita:
Zeozer igarri dozu
hori da ezagun
baina horretan izan
naz ni zure lagun
beti praka bardinak
hain pobre hain ilun
txikitero triparik
bota ez dagizun. (bis)
J.Maia:
Berriz atera dezu
ez dakit zenbat gai
nik beti nahiko nuke
bizi lasai-lasai
galtzak jaistea ere
harturikan usai
ni prest nengoen baina
zuk ez zenuen nahi. (bis)
On. Enbeita:
Kantsau nintzen gaztetan
artotza ta trokaz
eta kantsau etxeko
betiko borrokaz.
Nik inoz ez dodala
nahi dinozu hortaz
pena emoten dozu
txanka ezpatokaz. (bis)