Bertsos - Ver ficha   Más información sobre esta sección

2009-08-09 Berastegi Jaialdia [Bertsoa] / Uxue Alberdi, Aitzol Barandiaran

Bertsoa entzun  

Información general

Kategoria
Bat-batekoa
Actuación
2009-08-09 Berastegi Jaialdia
Gai-emailea
Labaien, Eneko
Bertsolaris / Autores
Alberdi, Uxue
Barandiaran, Aitzol
Ejercicio
Binaka gaia-emanda
Tema propuesto
Uxue, bizilagun berria duzu: Aitzol. Aitzol, gaur goizean laugarren aldia da Uxue azukre eske datorkizula.

Descripción

Melodia
Haizeak bidali du
Nombre de la estrofa
Zortziko txikia (hg) / Lau puntuko txikia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2009-08-09 Berastegi Jaialdia [Bertsoa] / Uxue Alberdi, Aitzol Barandiaran

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 


A. Barandiaran:
Berriz zabaldu eta
hau estuasuna!
Berriz ere aurrean
det bizilaguna.
Azukre eskean ez
etorri hurruna!
Gatza ez da ba izango
zuk behar dezuna?

U.Alberdi:
Ate atzean zaude
goizeko partean
ta nik kax-kax jotzen dut
daukadan artean
ja lau aldiz jarri naiz
Aitzolen atean
ea ulertzen dezun
halako batean!

A. Barandiaran:
Nere dote guztiak
ja hasi naiz galtzen
eta zalantza berriz
ari zait ugaltzen
"Zer nahi du? Zer nahi du ba?"
ari naiz pentsatzen.
Kafesneai ez zaio
hainbeste botatzen.

U.Alberdi:
Ni bigarrenera ta hau
hirugarrengora
hala tokatu ginen
ta Aitzol gogora
mutil goapoa zera
inondik inora
ta azukrea nahi nuke
ahotik ahora.

A. Barandiaran:
Eta aurrera eman
ditu bi pausoak
azukreik behar ez dun
neskatxa gaixoak.
Musu eske datorkit
kontu erosoak
gero mutilak gera
enpalagosoak!

U.Alberdi:
Neskok ere nahi dugu
beti-betikoa
ta haseratik zaitut
oso begikoa.
Ez zara ba izango
ene mutikoa
maitasun kontuetan
diabetikoa?

A. Barandiaran:
Pasatzen uzteak'e
ez du ezer txarrik
goizeko ordu hontan
badegu indarrik.
Parean azaldu zait
gaurkoan izarrik
goxatzeko ez duna
azukre beharrik.

U.Alberdi:
Ataungo mutilak du
hainbeste entzute...
Zu zarelako nire
erotismo txute
nik gozatuko dut ta
goza zazu zuk'e
eztia emango dizut
azukrean truke.

A. Barandiaran:
Poltsikoi beidatuta
hauxen da izua!
Azukrearen poltsak
galdu du pisua.
Unaik eman zidan bai
leheno abisua
merkego irtengo zait
Donostin pisua!