BDB Bertsolaritzaren datu-basea

Información general

Kategoria

Bat-batekoa

Actuación

2010-02-28 Gernika-Lumo Jaialdia

Gai-emailea

Goikoetxea, Josu

Bertsolaris / Autores

Colina, Sustrai

Ejercicio

Bakarka gaia-emanda

Tema propuesto

Kolore ezberdinetako lauki txikiz osatutako kubo bat eman dio Josu Goikoetxeak Sustrairi, Kubrick-en kubo bat, alegia, eta "Horrela hartu genuen mundua" esan dio, kolore bereko laukiak elkarren ondoan jarrita; baina gero dena nahastu du, eta "Horrela utzi dugu mundua" azaldu dio.*

Gaiari oharrak

* Kuboa eskuetan kantatu zuen Colinak.

Descripción

Melodia

Hil da Canovas fuera Canovas I

Nombre de la estrofa

Hamarreko handia (hg) / Bost puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2010-02-28 Gernika-Lumo Jaialdia [Bertsoa] / Sustrai Colina

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

Minutu baten egin liteke
mendeetako balantzea
gutxi batzuen zoriona ta
gehiengoaren trantzea.
Zer da mundua ez baldin bada
zulo gainean partxea?
Nahastu dituzte ezker-eskubi
aurrea eta atzea
batzuentzako jolasa baita
mundua gobernatzea.

Ta Etxe Zurian ebazten dute
noiz hasi eta noiz buka
zer izango den berezia ta
zer izango den arrunta
nun egingo den pake bidea
nun gerra ta nun burruka
nun debekatu erretzea ta
nun debekatu zurruta
ta bitartean gu beti erdian
ta beti harrapatuta.

Nahasmen hontatik salbatzen dira
hitza eta maitasuna
botereari aurre egiteko
gizakion gaitasuna.
Horrela nahasten segi ezkero
beltza da etorkizuna
ordea ez du ez zertan izan
dena gris dena lizuna
aberasgarri izan liteke
kolore aniztasuna.