Bertsos - Ver ficha Más información sobre esta sección
2010-08-13 Aduna Jaialdia [Bertsoa] / Uxue Alberdi, Julio Soto
| Bertsoa entzun |
2010-08-13 Aduna Jaialdia [Bertsoa] / Uxue Alberdi, Julio Soto
Nombre de la estrofa:
Kopla handia
Localización:
XDZ - Xenpelar Dokumentazio Zentroa
U. Alberdi:
Izar uxo hoiek nola
dauden ez baitzait axola
izar bakar bat ez dut ikusi
zuri begira nagola. (bis)
J. Soto: Ez zaite jarri tristea
hauxe da hau ezustea!
Goian izar bat ikusi dut ta
nere ondoan bestea. (bis)
U. Alberdi:
Duzu distira itzela
baina dardarka sabela:
iruditzen zait hoiek bezela
ihesi joango zarela. (bis)
J. Soto:
Ez da egia izango
tratatzen bainauzu ondo
ez urduritu zure ondotik
ez naiz sekula joango. (bis)
U. Alberdi:
Ohitura denen antzea
desio bat eskatzea
nik desio dut nire desira
gau honetan asetzea. (bis)
J. Soto:
Izarrak argitzen dira
gora, aupa eta biba!
Ez urduritu etorri zaitez
nik aseko dut desira. (bis)
U. Alberdi:
Ez zara mutil ahula
altua eta mardula
iruditzen zait hatzak luzatu
ta ikutuko dituzula. (bis)
J. Soto:
Ez zaigu hori komeni
bista gora ez eskeini
goikoak utzi pakean eta
zuk ikutu nazazu ni. (bis)
U. Alberdi:
Etorri zara eskeko
ausarta zara. Hobeto!
Jetsi zaidazu izar txiki bat
poltsikoan gordetzeko. (bis)
J. Soto:
Muxuak jaso nahi ditut
nik pila bat maite zaitut
ze izar txiki ze izar handi
ilargia hartuko dut! (bis)
U. Alberdi:
Izar hoiek gorabehera
gabiltza ñoño antzera
ahaztu ditzagun behingoz izarrak
eta gu goazen gurera! (bis)
J. Soto:
Berotu zara zu nonbait
ta egin behar da zerbait
lehen bost punta nituen eta
oain beste bat atera zait.* (bis)
U. Alberdi:
Zure sei punta ta guzi
igurtzi eta igurtzi
itxi begiak eta apustu
baietz izarrak ikusi! (bis)
______________________
*Eskuin eskua zabal-zabalik zuela, jaso egin zuen.