Bertsos - Ver ficha Más información sobre esta sección
2000-07-12 Getxo Jaialdia [Bertsoa] / Jon Maia
| Bertsoa entzun |
2000-07-12 Getxo Jaialdia [Bertsoa] / Jon Maia
Nombre de la estrofa:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localización:
XDZ - Xenpelar Dokumentazio Zentroa
Andoni azaldu zaigu
beti bezela pikaro,
lehengo hamarkada omen
bertsolaritzan arrago;
orain ez da ba hain arra,
gero eta emeago;
entzulegoa gurekin
berritua da zeharo;
gaur egun gure itxura
jada ez da hain arraro;
zuek'e hortxe zaudete
nahiz ta denbora igaro,
oraina hementxe gaude,
ordezkaritzan ni nago;
bertsoaren iragana
zuen eskuinera dago.
Hemen guztiok daukagu
ahal degun talentua
ta aprobetxatu asmoz
dabilkigu momentua;
denek ikusi dezute
nola den gure kontua;
lehenago ona zen baina
izan liteke ondua,
haritz hauen itzalpean
sortua zaigun onddua;
gure partetik ez dago
aukerarikan galdua;
Xebastian dugu aita
ta Peña seme tontua,
Egaña espiritua
baina ez bate santua.
Algortan ikusi degu
denok dugunaren printza,
daukaguna ematea,
hori da lehen baldintza;
zorionean guztiok
nahiko batera gabiltza,
nahiz ta gaur nik ez dakidan
nork jasoko duen giltza,
denok erakutsi degu
bete nahi degula hitza,
ez dadila izan inoiz
denboraren joana hitsa;
gure partetik hauxe da
bertsolarien bizitza;
garena ta ez garena,
hori da bertsolaritza.