BDB Bertsolaritzaren datu-basea

Información general

Kategoria

Bat-batekoa

Actuación

2000-06-03 Itsasondo Jaialdia

Conductor/a

Zeberio, Nikolas "Zeberio II"

Bertsolaris / Autores

Arzallus, Amets

Sarriegi, Aitor

Ejercicio

Binaka gaia-emanda

Tema propuesto

Venezuelako bi ume zarete. Momentu honetan, Amets adoptatu egin dute Europa aldera ekartzeko asmoz, eta Aitor, berriz, hantxe bertan geratzen da. Zuen agurra bertsotan.

Descripción

Nombre de la estrofa

Hamarreko txikia (hg) / Bost puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2000-06-03 Itsasondo Jaialdia [Bertsoa] / Amets Arzallus, Aitor Sarriegi

Nombre de la estrofa:  Hamarreko txikia (hg) / Bost puntuko txikia (ip) 
Localización:  XDZ - Xenpelar Dokumentazio Zentroa 

---

Sarriegi:
Gaurko albistea ez da
oso pozgarria,
utzi behar baituzu
betiko herria,
baina mantendu nahi dut
nik nere irria;
desio bat zuretzat
ikaragarria:
ondo hastea zure
bizitza berria.

A. Arzallus:
Zergaitik behar naute
haraino igorri?
Agurrik egiten gaur
ez utzi inorri.
Malkoen iturria
zerade zerorri,
begiak bustita ta
bi maisailak gorri;
zergaitik ez duzu nahi
nerekin etorri?

Sarriegi:
Zure herritik zoaz
ilusio gabe,
gu biok banatzea
ez ote da grabe
utziz herria eta
horrenbeste jende?
Baina mundu honetan
legea da lege,
ezin naiteke joan
nahi izanda ere!

A. Arzallus:
Zu gaizki zabiltzala
nago igarrita,
hain triste hemen nere
ondoan jarrita.
Behartsuena ez da
destinu polita,
baina etorri zintezke
kateak hautsita,
zorigaizto guztiak
atzean utzita.

Sarriegi:
Biok gera lagunak,
biok gera gazte,
baina ametsak beti
bete ez litezke.
Orain bazoaz eta
aurkitzen naiz triste;
azken agurren nator
gauza baten eske:
oroitu nazazula
nik zu bezainbeste.

A. Arzallus:
Gure oroimena beraz
luzatu dadila,
nahiz gizartea ez den
horretan abila.
Europan omen dago
hantxe diru pila
eta ondo koxkortzen
denean mutila,
berriz itzuliko naiz
lagunaren bila.