BDB Bertsolaritzaren datu-basea

Información general

Kategoria

Bat-batekoa

Actuación

2000-12-25 Larrabetzu Jaialdia

Conductor/a

Gezuraga, Patxi

Bertsolaris / Autores

Elortza, Igor

Maia, Jon

Ejercicio

Binaka gaia-emanda

Tema propuesto

Frantzian bost urte preso daramatzan Monika larrabetzuarra laster Espainiako poliziaren esku geratzeko arriskuan dago. Zuek bi polizia izango zarete. Jon frantsesa, jendarmea; eta Igor Intxaurrondoko goardia zibila. Irungo mugan elkartu zarete, eta polizia frantziarrak furgonetan neska gazte bat dakar polizia espainiarraren esku uzteko.

Descripción

Melodia

Adixkidia Andoaindikan

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2000-12-25 Larrabetzu Jaialdia [Bertsoa] / Igor Elortza, Jon Maia

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

Maia:
Merkantzia bat mugitzen degu
gainera oso merkea,
gure herriak zuen herriai
eman ohi dion dotea;
ehungarrena izango da hau,
komeni da esatea;
itxaron zazu pixka batean
hortxe daukat "paketea".

I. Elortza:
Gaurko erara mugan lehenago
hartuak dodaz hiru-lau;
itxura danez oin urte asko
hasi zanak hortxe dirau,
eta Españak bere lagun zein
dan gogoan eukiten dau,
gure jefeek zuen jefeei
ordainduko dautsie hau.

Maia:
Eta horrela berotzen degu
herri honen lapikoa,
kartzeletako negozioa
dugu oso begikoa;
gure arteko harremana ere
aspaldi ondo dijoa,
legeztatua dagoenetik
gizakien trafikoa.

I. Elortza:
Giza-trafiko hori egitea
aspaldi zan erabaki,
baina niretzat ez da nahikoa
kartzela emotea bati;
adibidetzat Geresta zana,
zeinek hil eban nork daki?
Tartean behinka pasa'idazu bat
baina estraofizialki.

Maia:
Estraofizialki lehendikan ere
pasatzen ditugu ia;
gure artean gorde behar da
biok dakigun egia.
Guk presoren bat pasatzen degu,
hartu diogu neurria
eta Españak erosten digu
behi eroen haragia.

I. Elortza:
Dena batera joan daiteke
haragia ta kartzela,
gerra honetan laguna hau da
tokatzen zaigun papela.
Ez dakit baina ikusten zaitut
desanimatu bezela,
seguru nago hauts zuri honek
animatu zaitzakela.

Maia:
Berandu samar egin da jada,
hau konpromizu galanta!
Atzean dago Monika hori,
begiratu bere planta;
tori zuentzat eta guk behintzat
egin behar degu hanka;
kontuz bisitan doazenekin
builoso batzuk dira-ta!