Bertsos - Ver ficha   Más información sobre esta sección

2000-06-17 Oiartzun Lagun-artekoa [Bertsoa] / Igor Elortza, Maialen Lujanbio

Bertsoa entzun  

Información general

Kategoria
Bat-batekoa
Actuación
2000-06-17 Oiartzun Lagun-artekoa
Conductor/a
Goikoetxea, Josu
Bertsolaris / Autores
Elortza, Igor
Lujanbio, Maialen
Ejercicio
Binaka gaia-emanda
Tema propuesto
Gaia biontzat da, baina, Maialen, zurekin hasiko naiz. Bi elkarrizketa izan dituzu Hitzetik Hortzeran azkenaldian, eta batean esaten zenuen gai topiko ugari dagoela eta zuek bertsolariok ere topikoa erabiltzen zenutela bertsotan; bigarrenean sexismo asko dagoela bertsotan. Gaur, gai topiko eta sexista bat jarriko dizuet eta zuen esku beste modu batera tratatzea gai hori. Senar-emazteak zarete, sei bat urte daramazue elkarrekin, sexu harreman onak izan dituzue orain arte, baina Igorrek ez du funtzionatzen. Gaur, Viagra bote batekin heldu da etxera.

Descripción

Melodia
Ai gure antzinako
Nombre de la estrofa
Hamarreko txikia (hg) / Bost puntuko txikia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2000-06-17 Oiartzun Lagun-artekoa [Bertsoa] / Igor Elortza, Maialen Lujanbio

Nombre de la estrofa:  Hamarreko txikia (hg) / Bost puntuko txikia (ip) 
Localización:  XDZ - Xenpelar Dokumentazio Zentroa 


I. Elortza:
Behin ezkondu ginela
joan da denbora (bis)
ta ohean galdua
aspaldi ganora;
orain Viagrarekin
egin nahi aproba,
ia "jaisten ez dana"
altxatzen dan gora,
baina zure laguntza
ere beharko da. (bis)

Lujanbio:
Viagra lagun ona
ez da ba hain zuzen, (bis)
dopinga erabiltzea
beti da errezen;
hanka tartea beti...
derrigorra al zen?
Jolas berri batzuek
probatzera goazen:
eskuekin bakarrik
jolastu gaitezen. (bis)

I. Elortza:
Behingoz gora heltzea
dugula helburu, (bis)
aspaldiko partez gu
berriz buruz buru;
Viagrak efektoa
ia pasatu du...
eskuekin soil hortan
ez nago seguru,
txalopin txalo soilik
egin behar al dugu? (bis)

Lujanbio:
Txalopin txalorekin
bakarrik dago jai, (bis)
baina mingain bat dezu
desio gaiztoz blai;
hanka tarteai beira
beti, ta ni're bai;
gorputz oso bat dago,
aztertu nolanahi,
terreno berri pila
esploratzeko zai. (bis)

I. Elortza:
Lehen matxistaegia
nintzen nire plastan, (bis)
baina egon nahi nuke
orain arrakastan;
noski aldagarria
naiz ni nire kastan,
erremedioa nola
gogortasuna ez dan,
sensiblidade haundiz
egidazu laztan. (bis)

Lujanbio:
Entzuten dizut eta
eiten dizut kasu, (bis)
baina erdi parrezka
neri amenazu.
Esan dedan bidea
txarra al da, aizu?
Laztan eskean orain
baldin bazaude zu,
ez dezu gozatuko
siniste'z badezu. (bis)

I. Elortza:
Sinismena badaukat,
begira, begira! (bis)
berreskuratu nahirik
orduko dizdira;
zuk egidazu laztan,
bultza eta tira
ta ea iristen garen,
gu horrela di-da,
hamarreko txikitik
hamarreko haundira! (bis)

Lujanbio:
Hamarreko haundian
plazerrez beteta, (bis)
azkenik eingo dugu
gure jostaketa;
baina viagra potea
ez utzi gordeta,
ohe ondoan jarri
ta beira tarteka,
horrek kriston morboa
ematen du-eta! (bis)