Bertsos - Ver ficha Más información sobre esta sección
2002-09-21 Oñati Jaialdia [Bertsoa] / Maialen Lujanbio
| Bertsoa entzun |
2002-09-21 Oñati Jaialdia [Bertsoa] / Maialen Lujanbio
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Izugarrizko bi abioi tzar
Dorre Bikitan barrena
lehertu ziran ta antzeman gendun
amerikarren herrena.
Hura omen zan boteretsuna
hura omen haundiena...
Ohartu nintzan herri batzuek
benetan gaizki daudena
ta norberaren bizitza dala
arma arriskutsuena. (bis)
Irailaren hamaikaz gero
munduan zenbat istori!
Nazionalismo gorrak hartu du
lehen ez hainbat kategori.
Bai Amerikan, berdin Españan
politika dago gori
eta barruan zuri bezela
gertatu behar zait neri:
esnatuko da barruan dugun
arrazista txiki hori. (bis)
Amerika urrun dagola eta
bastante lasai gaude gu
eta yankiak kritikatzea
hartua degu eredu.
Magrebiarrak honuntza datoz
bertan ikus dezakegu:
etxe ondoan bizilagun ta
kalean hortxe dauzkagu.
Elkarbizitzan apustu hortan
asmatuko ote degu? (bis)