BDB Bertsolaritzaren datu-basea

Información general

Kategoria

Bat-batekoa

Actuación

2003-06-01 Oiartzun Berezia

Gai-emailea

Elizasu, Unai

Bertsolaris / Autores

Arzallus, Amets

Colina, Sustrai

Ejercicio

Binaka gaia-emanda

Tema propuesto

Zuek ze jende behar izaten duzue inguruan ongi sentitzeko?

Gaiari oharrak

Zortzi puntuko bertsotan arituko dira. Lehen eta azken bi puntuak bertsolari batek kantatuko ditu,
eta tarteko hiru puntu motzak beste bertsolariak, errima aldatuz.

Descripción

Melodia

Itsaso hori dago zatarra

Nombre de la estrofa

Neurri berezikoak

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2003-06-01 Oiartzun Berezia [Bertsoa] / Amets Arzallus, Sustrai Colina

Nombre de la estrofa:  Neurri berezikoak 
Localización:  XDZ - Xenpelar Dokumentazio Zentroa 

---

S. Colina
Autobusean edo trenean
jendea bueltan dut gehienean
horrelakotan zirrararikan
ezin izan barrenean. (bis)
A. Arzallus:
Amets ipintzeko parrez
norbait behar derrigorrez
edo batzutan inor ez.
S. Colina:
Arrazoi duzu esan duzunak
asetu nau azkenean
Sustrai're ondo egoten baita
bakarrik dagoenean. (bis)

A. Arzallus:
Bakardadeai zara fidela
jakin holako asko direla
hala ere askoz gustorago ni
lagunak hor ditutela. (bis)
S. Colina:
Egon gabe lagunen zai
egoten naiz lasai-lasai
han Colina ta hor Sustrai.
A. Arzallus:
Hala ta guztiz esango dizut
pentsatzen dedan bezela
Sustrai urruti dagoenean
triste egoten naizela. (bis)

S. Colina:
Zergatik hasi zuri planean
denen aurrean bertso lanean?
Entzulegoa ez da etorri
bi gezurren afanean.
A. Arzallus:
Zurikeriz bertso sorta
joateak ez du inporta
beltzez jantzita dator-ta.
S. Colina:
Bakardadea esan dut baina
onartzen dut azkenean
bakardadea hobea dela
konpartitua denean. (bis)

A. Arzallus:
Aitan eskua, aman magala
haiek enborra ta ni ezpala
hoien babesa bilatzen dut nik
beti nola edo hala. (bis)
S. Colina:
Baina zer zabiltz esaten
harro-harro kirten-kirten?
Aman gonapetik irten!
A. Arzallus:
Baina Oiartzunen pozik nago ni
jendeak jakin dezala
ni hemen beti hartu bainaute
nere etxean bezala. (bis)

S. Colina:
Edo bestela Esteri* galde
Juanito, Otsua... hoiek'e hor daude
alper-alperrik ez ote gabiltz
zurikeritan hala're?
A. Arzallus:
Girizian ta Karrikan
gu kanturako irrikan
egoten gera sarritan.
S. Colina:
Amets Oiartzun hartu ezkero
zure etxean zutabe
nere ustetan baietz geratu
laster etxerikan gabe! (bis)

A. Arzallus:
Beraz ez etxe ta ez alkate
hemengo plana hola daukate
nahiz eta berez hauek baduten
behar aina borondate. (bis)
S. Colina:
Amets hemendik aurrera
orain artean antzera
segi dezagun batera.
A. Arzallus:
Ni hemen pozik egoten naiz bai
denek sinistu didate
eta sinistu ez dunik bada
ba berarentzako kalte. (bis)

S. Colina:
Bueno bukatu dezagun hemen
denak bakarrik utzi baino lehen
zer behar duen ta zer nahi duen
norberak daki ondoen. (bis)
A. Arzallus:
Nago hauxe esan nahian:
ez nago modu alaian
luzatzen geran garaian.
S. Colina:
Hau esan gabe saioak ez zun
ez zentzu ta ez zentzumen
inguratuta gaude benetan
bai hemen ta Oiartzunen. (bis)