BDB Bertsolaritzaren datu-basea

Información general

Kategoria

Bat-batekoa

Actuación

2004-05-05 Leioa Jaialdia

Gai-emailea

Iarritu, Zuriñe

Bertsolaris / Autores

Agirreazaldegi, Ainhoa

Arzallus, Amets

Egaña, Andoni

Elortza, Igor

Irazu Muñoa, Jexux Mari

Iturriaga, Unai

Ejercicio

Seinaka gaia-emanda besteak bati

Tema propuesto

Xirika aldizkaria denok ezagutzen dugu. Amets bertan dabil. Sexologiari buruzko ataleko arduraduna da Amets. Atzekoek galdera bana egingo dizute.

Descripción

Melodia

Kantatzera nijoa

Nombre de la estrofa

Zortziko txikia (hg) / Lau puntuko txikia (ip)

Edukiari buruz

Entidades

Xirika Aldizkaria

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2004-05-05 Leioa Jaialdia [Bertsoa] / Ainhoa Agirreazaldegi, Amets Arzallus, Andoni Egaña, Igor Elortza, Jexux Mari Irazu Muñoa, Unai Iturriaga

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

J.M. Irazu:
Sexologoangana
erantzuna bego
ez pentsa nagoenik
urduri eta ero;
galderan erantzuna
nahi nuke espero
"xirikari" bi "r"
ipini ezkero? (bis)

A. Arzallus:
Hori eginda "Xirrika"
irtetzen omen da
nik hola jardutea
nahi dizut gomenda;
probatu nahi baduzu
hasi zaite benga
baina ez da irakurtzen
egin egiten da. (bis)

A. Agirreazaldegi:
Nahiz saiakeran joan
hainbeste ahalegin
ez diot ateratzen
nahi aina etekin;
nik hitz egiten badut
mutilen batekin
sexu orala al dan
hori nahi det jakin. (bis)

A. Arzallus:
Sexu oralak badu
hamaika oihartzun
eta galderaren bat
ekarri behar zun;
bai, bai, izan liteke
nahi badezu entzun
hori da segun nola
hitz egiten dezun. (bis)

A. Egaña:
Gaztetan izan nuen
arazo grabea:
zakilaren ondoan
grano bat gordea
batzutan horixka zen
bestetan berdea;
orain desagertu zait
zakila ordea.

A. Arzallus:
Nahiz ta begia daukan
ondo borobila
bista dauka murritza
hau ez da abila.
Ez dezu ondo bereizten
aditu mutila
zuk zein dezun granoa
eta zein zakila. (bis)

U. Iturriaga:
Ni onanista nauzu
zalea dexente
normalki eskuinarekin
jotzen diot fuerte
baina ezkerrerantz doa
jartzen bada tente;
hori orekatzeko
modurik ba ote? (bis)

A. Arzallus:
Hasterako eman dit
majina bat datu
onanista edo hori
hortxe dit aipatu....
Ez det ondo ulertu
mutila barkatu
karrera ez dedalako
erabat bukatu. (bis)

I. Elortza:
Bikotean gogorik
ez dut bizitzeko
doble banintz bezela
beti ibiltzeko;
askoz gogo gehiago
nuke erditzeko
nola egin dezaket
haurdun gelditzeko? (bis)

A. Arzallus:
Egin liteke hala
ta egin horrela
baina jarriko dizut
aukera bestela:
jakin gora ta behera
hori dabilela
ta zuk estutu zazu
mikroa bezela. (bis)