Bertsos - Ver ficha   Más información sobre esta sección

2004-08-14 Gabiria Jaialdia [Bertsoa] / Sebastian Lizaso

Bertsoa entzun  

Información general

Kategoria
Bat-batekoa
Actuación
2004-08-14 Gabiria Jaialdia
Gai-emailea
Murua, Jokin
Bertsolaris / Autores
Lizaso, Sebastian
Ejercicio
Bakarka gaia-emanda
Tema propuesto
Gaur omen dira hogeita hamar urte lehenengo plaza egin zenuela. Akordatzen al zara zerbaitez?

Descripción

Melodia
Mutil koxkor bat itsuaurreko
Nombre de la estrofa
Hamarreko handia (hg) / Bost puntuko handia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2004-08-14 Gabiria Jaialdia [Bertsoa] / Sebastian Lizaso

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 


Urte asko dira edo ez dira
bakoitzak nahi dun moduan
ta bitartean hainbeste gauza
gertatzen dira munduan.
Batzuk gogoan gelditzen dira
besteak burutik juan;
gaur bete dira hoita hamar urte
hargatik daukat goguan:
jende aurrean lehenengo aldiz
Gabirin kantatu nuan. (bis)
Hor goian zegon futbol zelaian
arbola baten kerizan
urduri bainan hamasei urtez
kantatzen ausartu nintzan.
Bakoitzak bere amets aroak
izaten omen bizitzan
garai hartako amets guztiak
nituen bertsolaritzan;
izarrarekin amesten nuen
nahiz ipurtargia izan. (bis)

Hasi ez banintz jarraitu ezin
beraz bertsoak akabo
ta Gabiriri eskerrak nola
ez dizkiot ba emango!
Hau esan gabe zuen tartetik
gaurkoan ez naiz joango
hementxe bertan kantatu bainun
sekula baino lehenago;
azkena bertan izan dadien
pentsatzen hasita nago
baina lasaitu ahal baldin bada
gaurkoan ez da izango.