1998-01-24 Donostia Jaialdia [Bertsoa] / Sebastian Lizaso, Maialen Lujanbio, Iñaki Murua

Gaur egungo mundu teknikak erabat harrapatu honetan, jende asko bizi da etxean oso gutxitan egoteko modua izaten duena; eta etxean ez dagoela, aparato bat erabiltzen du lagunei eta deiei erantzuteko: erantzungailu automatikoa. Hauek erantzungailu automatikoak izango ditugu. Lehendabizi Sebastian Lizaso izango da Jon Idigorasen erantzungailu automatikoa. Berak esango digu zergatik ez dagoen etxean, eta beste biek dei bana egingo diote esanaz zeinek deitzen duen eta zer esan nahi dion. Martxan jarri da erantzungailua.

Gaiari oharrak

Beste bi pertsonaien erantzungailu lanak egiten ere jarri zituen Joserrak.

Descripción

Melodia

Mutil koxkor bat itsuaurreko

Nombre de la estrofa

Hamarreko handia (hg) / Bost puntuko handia (ip)

Localización

Localización: XDZ - Xenpelar Dokumentazio Zentroa
Colección / Fondo / Proyecto: Bapatean Bilduma

1998-01-24 Donostia Jaialdia [Bertsoa] / Sebastian Lizaso, Maialen Lujanbio, Iñaki Murua

Nombre de la estrofa: Hamarreko handia (hg) / Bost puntuko handia (ip)
Localización: XDZ - Xenpelar Dokumentazio Zentroa

S.Lizaso:
Garai batean deiei erantzun
nik sutsu bezain gogoko;
azken boladan legeak jarri
uste ez hainbat oztopo;
erantzuterik ez daukat deiai,
erantzungailuak topo
eta ez daukat konfiantzarik
presaka erantzuteko,
irtengo naizen ez baitakit nik
kartzelan nagoelako.

Murua:
Kaixo adiskide bihotzekoa,
zure faltak zer dardara!
Kartzelan zaude, Jainkoak zaitza
bizi guztian anpara!
Herri guztia aterako det
berehala burrukara;
bihar edo etzi, noski berehala,
kalean bilduko gara.
Xabier Arzalluz zure lagunak
utzitako mezua da. (bis)

Lujanbio:
Arratsaldeon, zer moduz zaude
Idigoras mutur zikin?
Ikusten det bai gaur ez zaudela
egongela erdi-erdin;
Mayor Oreja naiz Madriletik
hitz egin nahian zurekin;
harrapatzerik ez nun espero
eta harrapatu ezin;
bakarrikan zan ziurtatzeko
ez dezula alde egin. (bis)

BDB Bertsolaritzaren datu-basea

Bertsos - Ver ficha Más información sobre esta sección