BDB Bertsolaritzaren datu-basea

Información general

Kategoria

Bat-batekoa

Actuación

2011-11-19 Bilbo Jaialdia

Conductor/a

Elizasu, Unai

Bertsolaris / Autores

Martin, Jon

Ejercicio

Bakarka gaia-emanda

Tema propuesto

Hiru urte zituela etorri zen zuen etxera, Saharatik. Gaixotasun larri bat zuen, eta hemen zeukan sendatu beharra. Hemen eman zituen hainbat urte, baina izan zenuten aukera Saharara joan eta haren familia biologikoa bisitatzeko. Joan zineten, etorri zineten; gero, bera joan zen familia biologikoa bisitatzera berriz ere, eta ez da itzuli.

Descripción

Melodia

Abokatuak deitu berri dit

Nombre de la estrofa

Hamabiko handia (hg) / Sei puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2011-11-19 Bilbo Jaialdia [Bertsoa] / Jon Martin

Nombre de la estrofa:  Hamabiko handia (hg) / Sei puntuko handia (ip) 
Localización:  XDZ - Xenpelar Dokumentazio Zentroa 

---

Kasualitatez ia nahi gabe
hartu genuen etxean
aukera heldu ta hari heldu
egiten zaion antzean.
Gero kariñoz tratatu gendun
janari ona eltzean
eta zauriak ere sendatu
zaizkio erietxean.
Mutil alaia izan da beti
hau bere zorigaitzean
basamortu bat kabitzen zaio
begirada bakoitzean. (bis)

Basamortuko begiradetan
hor bi guraso egarri
“zergatik ez da berriz bueltatu?”
galdezka gaude elkarri.
Gogoratzen dut txikia zela
hain hauskor ta hain oin gorri
gure aurrean ipini eta
egiten zuela korri.
Orain hemendik bastante urrun
joanagatik zerorri
semetxo batek jakin behar du
noiz joan ta noiz etorri. (bis)

Zilbor-hesterik ez dago berez
beraz ez dago zer moztu
baina zerbaitek lotu gintuen
urte horietan estu.
Orri txuri bat eman genion
berak kolorez narrastu
basamortuko duna altuak
ohi zituen hark marraztu.
Heldua da ta bere bizitza
egin beste ezer ez du.
Egin ezazu zure bidea
baina gurekin ez ahaztu. (bis)