Bertsos - Ver ficha Más información sobre esta sección
Ameriketarako partiada [Bertsoa] / Etchebarne
Ameriketarako partiada [Bertsoa] / Etchebarne
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
[Alaba]
Goizetan goizik artizarra mendi gainean agertzen
Harek bezala bertze batek ez du zeruan argitzen,
Esperantzak gizon gaztea bihotzean du sustatzen,
Haren argia ikusiz geroz ez dut gozorik aurkitzen.
[Ama]
Oi zoin de eder uda minean arbola baten itzala!
Gure esperantza ederrena histen da hur abezala!
[Alaba]
Zer bada bethi...bethi hola behar othe dut nik bizi
Gizonaz zer erran, ez badu mendia baizen ikusi?
Hark ez daki zer den mundua ez du bizitzen ikasi
Ama, barka diezadazu, orai behar zitut utzi.
[Ama]
Ene semea, lotsatzen nuzu! norat zirade abian?
Ezartzen nuzu dolu minetan eta ikhara bizian!
[Alaba]
Gosez hemen egonik baino hobe ere da hiltzia!
Egun batez aberasturik jinen niz, ama maitia,
Orduan ez duzu izanen deusen ere eskasia,
Barnian bihotza daukanak arriska beza bizia!
[Ama]
Lurra ez othe du gehiago izar-ihintzak bustitzen?
Gure mendiak lehen bezala ez othe dira berdatzen?
[Alaba]
Urrunera ikusten ditut urhe metak distiratzen,
Odolak irekitzen deraut, nola egonen niz hemen?
Oi ama, ni zure otoitzek balin banute laguntzen,
Jainko onak ez du nahiko zure haurra gal dadien.
[Ama]
Ene tristea! zu zinitudan azken urthen gozagarri,
Ez othe zira urrikalduren ama baten nigarrari?
[Alaba]
Amerika lekhu ederra, eder bezain aberatsa!
Hire izena entzuteak erretzen deraut bihotza:
Hi egun batez ikusteko ni ez nuk deuseren lotsa,
Burlatzen ditut itsasoa eta herio garratza.
[Ama]
Mendi gainetik hedoi ilhunek uri uharrak igortzen,
Ene begiek nigar hibaiez ohea dautet bustitzen!
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/