Bertsos - Ver ficha Más información sobre esta sección
Ostatu on bat [Bertsoa] / Antoine Choperena
Ostatu on bat [Bertsoa] / Antoine Choperena
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Ostatu on bat herri batetan
gerthatu nintzen ustegabetan,
Bazkari batez lau lagunetan
Ostaler hori bere lanetan.
Espantu frango bere salsetan
Ageri da gero obretan.
II
Ostaler hori goizik jaikitzen
Zortzi orentan sua hila zen,
Haragia re buxerian zen,
Hameka orentan berdura sartzen
Eguerditako bazkaria prestatzen,
Manera ona zopa on baten.
III
Zopa jan eta haragi hori
Ekartzen dute egosi berri
Ikusi eta zin daite irri
Poxi poxi bat eman daut niri,
Zer khenero zen ez zen ageri,
Mami guti ta hezurra jori.
IV
Zahi dabila zerbitzaria
Saltsa bat bada egin berria
Nahi dugunetz haren erdia
Eman behar da huni gardia,
Saltsa ez dela egin berria
Bezperakoa nintzen hasia.
V
Galdeiten dugu erraki hori
Ekhar dezala gobernantari
Ongi errerik gixena guri,
Ikusi eta ein daite irri
Xikiroaren ama xarrari
Mehetzen bainan ez zen ernari.
VI
Arnoa dugu Bordelekotik
Edo bederen Chalossekotik
Ez gaitik joko hunek burutik
Aboilatua ongi huretik,
Edan dezagun orok gogotik
Herritarrem beldurra gatik.
VII
Kafe on horrek oro ahanzten,
Galde orduko bereal han zen,
Istantean ur pegarrian zen,
Hasten da bada noizbait ekartzen
Ura doi doia hasia belzten
Kiker erdi bat porroska bazen.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/