BDB Bertsolaritzaren datu-basea

Información general

Kategoria

Bat-batekoa

Actuación

2012-03-08 Usurbil Lagun-artekoa

Gai-emailea

Iturrioz, Leire

Bertsolaris / Autores

Agirreazaldegi, Ainhoa

Alberdi, Uxue

Ejercicio

Binaka gaia-emanda

Tema propuesto

Nabari da Ainhoa haurdun dagoela, eta hau aipatu gabe ez genuen geratu nahi. Izango dituzu hainbat zalantza, galdera, eta tripa hazten doan heinean horiek ere hazten joango dira, baina Uxue hemen daukagu. Uxue orain dela gutxi ama izan da, eta hau da unea berarekin eta gurekin zure zalantzak eta dudak partekatzeko.

Descripción

Melodia

Geldirik ezin naizela egon

Nombre de la estrofa

Zortziko handia (hg) / Lau puntuko handia (ip)

Bertso kopurua

8

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2012-03-08 Usurbil Lagun-artekoa [Bertsoa] / Ainhoa Agirreazaldegi, Uxue Alberdi

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

A. Agirreazaldegi

Pentsatu gendun "Haur bat nahi dugu"
jausi zitzaigun adurra
gero haurdun gelditu nintzen
ta hankek jo zuten lurra.
Beti ez nago oso seguru
ez det esango gezurra
emankorra izan ote naitekeen
hori da lehen beldurra.

U. Alberdi

Izango zara jausi ezean
beti beldur hoien mende
ahaztu ezkero jartzen diguten
mila aholku ta lege.
Umearekin disfrutatzea
hartu zazu zure xede
gero ez dezu astirik izango
beldurra izateko ere!

A. Agirreazaldegi

Haurra izan ta beti jendea
ondoan balitz behinepin
baina ama asko ikusi eta
hain zaila zenik ez nekin.
Zure barrua nola moldatzen
ote den nahi nuke jakin
lagun guztiak euren martxan ta
zu pasiaran haurrakin.

U. Alberdi

Nahiz ta ohituta nengoen lehen
beti publikotasunean
orain sarritan murgildu ohi naiz
nere ta haurraren senean.
Orain bizitza bizi dezaket
egunean-egunean
gero ere hala egongo naiz ta
zuk deitu nahi duzunean.

A. Agirreazaldegi

Ta bikotean lehen maitatzeko
izaten zen ahalegina
ostiraleko antzerkia nahiz
zapatuko pasiara atsegina
ta orain dena haurrarentzako
aitak ta amak jakina
ta nola zaindu bikotea bada
hirugarrengo erpina?

U. Alberdi

Bizitzak badu bere denbora
fase bat da hau alafede!
Baditu bere kalteak eta
baditu nahiko mesede.
Dena umorez hartu behar da
bizi behar da alegre
dena txandaka egiten dugu
ia baita larrutan'e!

A. Agirreazaldegi

Jendea kezkaz ikus dezaket
nere beldurrei begira
guztia baikor saldu ohi degu
amatasunan harira
ilusioak eta beldurrak
guztiak datoz neurrira
baina mamuak txikio dira
aipatzen baldin badira.

U. Alberdi

Bizi ohi ditut momentu onak
eta bada une txarrik
bizi izan dunak ondotxo daki
ez det esaten alperrik
baina zuk segi zure bidean
ta ez zazu egin negarrik
gero're Ainhoa izango zara
ta ez ama bat bakarrik.