Bertsos - Ver ficha Más información sobre esta sección
2012-07-08 Amoroto Jaialdia [Bertsoa] / Miren Amuriza, Sustrai Colina, Igor Elortza, Unai Iturriaga, Sebastian Lizaso, Xabi Paya
Bertsoa entzun |
2012-07-08 Amoroto Jaialdia [Bertsoa] / Miren Amuriza, Sustrai Colina, Igor Elortza, Unai Iturriaga, Sebastian Lizaso, Xabi Paya
Nombre de la estrofa:
Lauko handia (hg) / Bi puntuko handia (ip)
Localización:
XDZ - Xenpelar Dokumentazio Zentroa
U. Iturriaga
Nik barne saila hartuko neuke
hortarako deukot sena
nire ardurak izango ziren
bodega ta almazena.
I. Elortza
Ekonomiaz ez dakit baina
hoixe gura dot hartzea
lehenengo legea izango da
ez danik ez gastatzea.
S. Colina
Ez barne sailburu ez industria
ez dut nahi halako ezer
baina gustura egingo nuke
lehendakariaren txofer.
S. Lizaso
Nere asmoa beti izan da
turismo saila hartzeko
aitzaki ederra izango baita
debalde bidaiatzeko.
X. Paya
Kanpo harreman edo foreign affairs
arloa hartu beharko
inglesez dakien bertsolari
bakarra neu naizelako.
M. Amuriza
Nik barditasun sailean nahi dot
lanean hasi jo ta ke
oholtza ganean bost neska eta
mutil bat ikusi arte.
U. Iturriaga
Lehendakarigai nik ikusten dot
Sebastian oso-osorik
horrek “Kauen dios” esan ezkero
ez dau oposizinorik.
I. Elortza
Baina laster independentzia
be lortuko da ta jode
egun horretan izan gura dot
Riojan enbajadore.
S. Colina
Bizipoza eman behar zaionez
triste dagon herriari
ez Lizaso eta ez Egaña
Mañukorta lehendakari!
S. Lizaso
Mañukortantzat baldin balira
lehendakarian aukerak
sagardotegian egin beharko
gobernuaren bilerak.
X. Paya
Mañukortai boto emateko
a ze zerrenda luzeak!
Baina hari pagau beharko jakoz
kastellanoko klaseak.
M. Amuriza
Zailtasuntxo bat nik ikusten dot
Mañukortari begira:
Ajuria Enea nok pasauko dau
Lakuatik Larruskainera?
U. Iturriaga
Gu garenez politburoa ta
garenez zuzendaritza
kolektibotik kanpora dagoz
Iratxe eta Onintza.
I. Elortza
Niretzat Unai da lehendakari
ta entzun gura dituk gorak
Euskal Herrian ondo letorke
anarkia apurtxo bat.
S. Colina
Egingo diogu Mañuri eta
anarkiari ohore
baina nor kristo jarriko dugu
Botswanan enbajadore?
S. Lizaso
Lehenengo lana egingo nuke
lehendakaritza hartuta
lehendakaritza Loiolan jarri
San Ignazio kenduta.
X. Paya
PPk eta SOEk * ez deuskue
guri trabarik jarriko
hamen bertsotan ez dakiena
ilegalizau ta kito!
M. Amuriza
Berdin Mintegi berdin Lizaso
zein Mañukorta bestela
lehen dagoena baino hobea
seguru izango dela.
* PSOE.