Bertsos - Ver ficha Más información sobre esta sección
Ateratzen hasi ezkero gaurko hamaika argazki [Bertsoa]
Ateratzen hasi ezkero gaurko hamaika argazki [Bertsoa]
Nombre de la estrofa:
Hamaseikoa, ertainaren moldekoa, 8 puntuz (hg) / Zortzi puntukoa, ertainaren moldekoa (ip)
Dokumentu-mota:
Ordenadore dokumentua
Localización:
XDZ - Xenpelar Dokumentazio Zentroa
Ateratzen hasi ezkero gaurko hamaika argazki
Emakume batek baditu mila muga ta lubaki
Gure artean ere badabil hainbat Kamerungo Iñaki
Ikusezin direnak gutzat, isolatu ta bakarti
Askatasuna eskatzen dugu, ez arau ta ez aitzaki
Legeak aukera emanda geuk nahi dugu erabaki
sexuan libre dabiltzanak, zenbat dira?lau bat katu?
neska jaungoikoarengandik oraindik ez da askatu
homosexualek ezin dute haien beldurra uxatu
zergatik gutxiago dena gupidagabe bortxatu
kasu hau ezagutzekotan besoa tinko altxatu
zergatik ezin da sexuaz nahi den bezala gozatu
nagusi izan arren munduan internet, whatsapp ta facebook
oraindik erditzerakoan guztia ez da Hollywood
zenbat emakume hiltzen den ederki badakigu guk
pobrezia handia baita, jakina: no money no food
arazo honi aurre egiteko behar dira neurri batzuk
bizitza bat ez dadin galdu beste bizitza baten truk
Ablazioa gaitzat hartuz, zein ankerra den idea
askatasuna horrela moztuz, zurea eta nirea
zenbat zimeldutako bizi, larrosa eta orkidea
zergatik ez da mundua hoien labana bezain librea
eskatzen bagabiltza baina, ez da erreza bidea
norberak nahi bezalakoa izateko eskubidea
Jainkoak asko maite ditu Ekuador behean daudenak
han apaizek jartzen dituzte ume berrien izenak
kondoiez estali ditzagun hango santisima denak
salatzen ez gara lehenak, hobe bagina azkenak
bada ordua jarraitzeko esaten diguna senak
kristonak egin nahi ditugu ta ez beti Kristorenak