Bertsos - Ver ficha Más información sobre esta sección
2011-12-18 Donostia Txapelketa [Bertsoa] / Jexux Mari Irazu Muñoa, Jon Martin
| Bertsoa entzun |
2011-12-18 Donostia Txapelketa [Bertsoa] / Jexux Mari Irazu Muñoa, Jon Martin
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
J. Martin
Leihotik beira nengoen eta
ene a ze gurutzea!
Gerta liteke ertzainak heldu
ta pixka bat beldurtzea
baina ez uste nere hitz denak
aitortzara makurtzea
sekula ez da delitu izan
lapurrari lapurtzea.
J.M. Irazu
Balkoitik beira geunden biok ta
orain lekuko papela.
Egia esan polita izan da
polita eta itzela
dietan zeuden bi somatu ditut
kaputxa bana zutela.
Hala're gero esango dute
tokatu egin zaiela.
J. Martin
Dietan zeuden egia da bai
ez dizut egingo uko
bi gizon lodi ikusi ditut
nik bi donutsen moduko.
Ba diru dena hartu badute
hartu bezate ta punto
krisiarekin diru gehiegi
ez zuten eta hartuko!
J.M. Irazu
Krisiarekin ez daukagu ez
bizimodu erosoa
eta ertzainek guri galdezka
daukate lan nekosoa
ze atrakoa izandu baita
polita bezain goxoa
eta zer poza hartu badute
nere hipoteka osoa!
J. Martin
Seguruenik hartuko zuten
diru guztia bezela
zer hartu ta zer ez hartu pentsau
beharko zuten bestela.
Ezjakina naiz baina uste dut
gu biyok libre garela.
Jan dezatela gure hipoteka
ta biei on dagiela!
J.M. Irazu
Mundua hola antolatuta
hankaz goraka jartzea
nahikoa dute Gobernuari
erregu bat eskatzea.
Ofizina horrek bazun garaia
hau nahi nuke kantatzea
guri egunero eiten diguna
berak noizbait probatzea.