BDB Bertsolaritzaren datu-basea

Información general

Kategoria

Bat-batekoa

Actuación Periódica (Saioarena)

Gipuzkoako Bertsolari Txapelketa (9. 2011)

Actuación

2011-12-18 Donostia Txapelketa

Bertsolaris / Autores

Sarriegi, Aitor

Ejercicio

Bakarka gaia-emanda kartzelako-lana

Tema propuesto

[ETAk bere jarduera armatua behin betiko amaitzea erabaki du]

Gaiari oharrak

Bideo baten bidez eman zaio gaia. Gizonezko bat etxera iritsi da, erosketa batzuk eginda. Etxeko giltzak plater moduko onzi baten ganean utzi ditu eta telebista piztu du. ETAk jarduera armatua behin betiko utzi duelako berria ematen ari dira.

Descripción

Melodia

Gure herri ttiki hau da

Nombre de la estrofa

Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Txapelketetako Bilduma

2011-12-18 Donostia Txapelketa [Bertsoa] / Aitor Sarriegi

Nombre de la estrofa:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Localización:  XDZ - Xenpelar Dokumentazio Zentroa 

---

Euskal Herriko gatazka
luzea eta goibela
baldintzak begiratuta
ezin zen izan bestela.
ETAk esan zuen ia
hau zela bere eskela
eta batzuk uste zuten
besterik gabe horrela
konpondu beharrekoak
ia konpondu zirela.
Jakin jaio nintzenetik
ETA beti izan dela
eta momentu horretan
hala sentitu nintzela
nere bizitza zati bat
bukatu balitz bezela. (bis)

Frankismoaren garaian
lehendabizi armak hartu
sasi demokraziara
ere armak eskuan sartu.
Mundu hontan izan dira
hainbat gatazka armatu
utzi dute mila hildako
ta ez dakit zenbat datu.
Era berean jendea
atxilotu, torturatu
politika egitearren
barrurantz kartzelaratu.
Eta besterik gabe gaur
inork ezin du ukatu:
Euskal Herriko gatazka
ez da oraindik bukatu. (bis)

Kriminalizatu dira
jarduera, herrigintza
kriminalizatu hizkuntza
kriminalizatu ditxa.
Gatazka honek izan du
bilakaera bortitza
eta ez digu utziko
oso ondoren murritza.
Baina hauek esan dute
bukatu dela langintza
beste batzuek oraindik
beraienetan dabiltza.
Justiziazko bakeak
bakarra dauka baldintza:
errespeta dezatela
euskal herritarron hitza. (bis)