Bertsos - Ver ficha Más información sobre esta sección
2010-12-18 Barakaldo Txapelketa [Bertsoa] / Arkaitz Estiballes, Peio Ormazabal
| Bertsoa entzun |
2010-12-18 Barakaldo Txapelketa [Bertsoa] / Arkaitz Estiballes, Peio Ormazabal
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
A. Estiballes
Gorreriak txarrera
egiten du sarri
ta aspaldian ikusten
zaitut Peio larri
hori eramatearren
ez zaude elbarri
konplejuak kendu ta
lehenbailehen jarri. (bis)
P. Ormazabal
Arkaitz nirea ez da
ipini ezina
txarto regulatuta
daukat ta jakina
ni beti izan bainaiz
bertsozale fina
ta ez dut entzun epaile
guztien berdina. (bis)
A. Estiballes
Musean bagabiltza
ezin egin kasu
kokoteraino lagun
guztiak dauzkazu
lagun jatorra baina
kabroi bat zara zu
orain esan dudana
entzun al didazu? (bis)
P. Ormazabal
Bai, entzuteko hartu
egin dut tartea
ni naizela zuretzat
ikasle maitea
eta bide hortatik
utzi esatea
hobea izaten da
dena ez entzutea. (bis)
A. Estiballes
Ezetza esan aurretik
pentsatu ondo aurrez
sonotonea kendu
egin ahal da errez
aukera biak ditut
neuretzako berez
nahi dudana entzungo dut
nahi ez dudana ez. (bis)
P. Ormazabal
Ni berriz biziko naiz
belarrien presan
begira mundu hori
atzo zer izan zan
gauza txarrak ahaztuz
mugatu gaitezan
eta gauza politak
belarrira esan. (bis)