BDB Bertsolaritzaren datu-basea

Información general

Kategoria

Bat-batekoa

Actuación

2013-02-17 Amasa-Villabona Jaialdia

Gai-emailea

Zaldua, Ion

Bertsolaris / Autores

Agirre, Amaia

Ejercicio

Bakarka gaia-emanda

Tema propuesto

Badira sei hilabete zure etxearen hipoteka ordaintzen ez duzula. Zenbait jakinarazpenen ostean, duela zenbait egun jaso zenuen behin betikoa: "Bihar goizeko hamarretan etorriko da Batzorde Judiziala zu etxetik botatzera".

Descripción

Melodia

Abokatuak deitu berri dit

Nombre de la estrofa

Hamabiko handia (hg) / Sei puntuko handia (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2013-02-17 Amasa-Villabona Jaialdia [Bertsoa] / Amaia Agirre

Nombre de la estrofa:  Hamabiko handia (hg) / Sei puntuko handia (ip) 
Localización:  XDZ - Xenpelar Dokumentazio Zentroa 

---

Justiziak ta legeak hemen
zenbat arau zenbat kemen!
Nik burumakur bizi behar al det
gutun hau jaso ondoren?
Baina indarrik nere baitara
helduko balitz bederen
berrogei milioi bizkar gainean
inoiz izan ahal nituen...
Zatozte lasai nere etxera
ta ikusi zer gertatzen den
igual neroni botako bainaiz
zuek ni bota baino lehen. (bis)

Zer da Batzorde Judiziala?
Ez dakit baina argi da
ez dela nere adiskidea
ez erruki ez kupira.
Haurrei kabi bat ematea zen
gazte garaiko desira
ta indar betez jarri nahi nuke
nere indarra ta tira.
Zatozte arren etorri lasai
eman gezurrei segida
baina egia zuek kontatu
nere alabari begira. (bis)

Gure gizarte madarikatu
honek hankak herren ditu
nahiago nuke hegoak zabal
aireratuko balitu!
Ez daukat lanik ta zorrak lepo
baina ezin naiz errenditu
ez naiz botako noan aurrera
nahiz ta inor ez kupitu
hutsetik hasi beharra daukat
nahiz eta hutsik sentitu
nik neuk ez baina nere alabak
ametsak beteko ditu. (bis)