BDB Bertsolaritzaren datu-basea

Información general

Kategoria

Bat-batekoa

Actuación

2013-10-12 Lekunberri (N) Jaialdia

Conductor/a

Larraungo Bertso-Eskola

Gai-emailea

Goikoetxea, Arkaitz

Bertsolaris / Autores

Martin, Alaia

Ejercicio

Bakarka gaia-emanda

Tema propuesto

Bertso-saio honetarako kartelak jartzen ari ginela bi komentario iritsi zitzaizkigun belarrietara. Batek esaten zuen hauxe: “Zergatik beti emakume bat?”. Eta besteak: “Eta zergatik aurten emakume bakarra?”

Descripción

Melodia

ETAren su-etenetik

Nombre de la estrofa

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2013-10-12 Lekunberri (N) Jaialdia [Bertsoa] / Alaia Martin

Nombre de la estrofa:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Localización:  XDZ - Xenpelar Dokumentazio Zentroa 

---

Arkaitzen dei bat jasota
nator gaur Lekunberrira
bertsoak harrera ona
izaten duen tokira
baina badago duda bat
zuen begitatik begira:
“Neska hori gaur kantatzen
zeri eskerrak ari da?”.
Hori demostratzea da
daukadan espektatiba
galderak mila dauzkagu
generoaren harira…
Galderak dauzkagu baina
erantzunak behar dira. (bis)

Emakumea ari da
mila esparrutan suspertzen
nahiz batzuetan zauriak
barruan zaizkigun lehertzen
desberdintasuna non den
ez da hain erraza ulertzen
ezberdintasunak berdin
egiten gaitu hain zuzen.
Ez nabil besteen ahotik
paper jakin bat betetzen
ta duda bat sortu ohi zait
nahiz ez naizen haserretzen:
mutilak zergatik dauden
nola ez duten galdetzen. (bis)

Niri berdin zait X, Y
edo zein den kromosoma
feminitatea ote den
emakumeen sintoma
tabuek eta klitxeek
gugan sortzen duten horma
puska liteke ta eman
gure izaeraren forma.
Hain juxtu horretarako
etorria naiz gaur hona
edozein izan liteke
eta bertsolari ona:
emakumea, gizona
ta batez ere pertsona. (bis)