Bertsos - Ver ficha Más información sobre esta sección
2013-04-19 Oiartzun Sariketa [Bertsoa] / Mikel Artola, Manu Goiogana
2013-04-19 Oiartzun Sariketa [Bertsoa] / Mikel Artola, Manu Goiogana
Nombre de la estrofa:
Zortziko txikia (hg) / Lau puntuko txikia (ip)
Localización:
XDZ - Xenpelar Dokumentazio Zentroa
M. Artola
Festarako egin det
berriz ere plana
oraingon tokatzen da
gauetako lana
baino bildurra ez da
ez zurea dana
nik'e badet bildurra
baino resakana. (bis)
M. Goiogana
Ba orduan ibili
zaitez gizalegez
nik resakarik ez det
edukitzen berez
baina jaiei beldurra
diet nik mesedez:
lorik ez dezu egiten
ta utzi ere ez. (bis)
M. Artola
Baino badegu antza
jar zazu arreta
pastillatik berdintsu
gabiltza puñeta!
Ta balantzan ere bai
zenbat ariketa!
Utzidazu bastoia
beharko det eta! (bis)
M. Goiogana
Itxura denez zaude
parranda planean
eta bastoia behar
zure esanean
zer-eta etortzeko
bastoian gainean
holakorik ez zegon
gazte nintzanean. (bis)
M. Artola
Ba nik zahartu arte
ez det ba etsiko
ohea txikia det
metro eta piko
sofan egin zazu lo
moldatu ta kito
ahal dela bakarrik
ez naiz etorriko. (bis)
M. Goiogana
Jai aurretik gazteak
beti harrotuta
beti zatoz bakarrik
ez da zure kulpa.
Hara ze pasatzen den
jaiak pasatuta:
zaharrak fresko eta
gazteak zahartuta. (bis)