Bertsos - Ver ficha Más información sobre esta sección
Iruñeko udaltzainei jarriak [Bertsoa] / Julio Soto
Iruñeko udaltzainei jarriak [Bertsoa] / Julio Soto
Nombre de la estrofa:
Hamabiko ertaina (hg) / Sei puntuko ertaina (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2014-06-01
Localización:
XDZ - Xenpelar Dokumentazio Zentroa
Kaskoa buru gainean,
porra eskutan fuerte
Jai Alaien egon ziren
duela hamar urte.
Ikurrinaren atzetik
gogotsu dihardute.
Gaitz erdi autoen martxa
erraztuko balute…
Ezkerretik ibilita
multa jartzen dizute.
Urdinez jantzita baina,
berdez nahiago dute.
Lehengoan Ignacio Polo
leporaino txanpaina:
“Bai, badakigu nor zaren…
Gure lana da baina”.
Zero kakotx zazpi zortzi (0.78)
hura alkohol usaina…
Handik hogei minutura
tutuluan mingaina
zero kakotx sei hirura (0.63)
jaitsi zen alajaina!
Kasualitatez delitu
ez izateko aina…
Gogoan daukat abuela
gaueko ilargiaz
hatzetan arrosario
bolatxoak, hariaz
ahopez “ Santa Maria…”
errezoan ariaz.
Fabore tratu, presio,
mehatxu emariaz…
Orain nonbait, jasandako
lan ingurumariaz
gogoratzen da udaltzain
asko Santamariaz…