Bertsos - Ver ficha Más información sobre esta sección
2015-12-06 Eibar Txapelketa [Bertsoa] / Jon Maia, Arkaitz Oiartzabal "Xamoa"
| Bertsoa entzun |
2015-12-06 Eibar Txapelketa [Bertsoa] / Jon Maia, Arkaitz Oiartzabal "Xamoa"
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
J. Maia:
Hurbildu eta laztan bat egin
eta suabe hitz egin.
Egun hauetan kezkaren bueltan
egin det nahiko ahalegin
baina gelatik ez da irtetzen
ez dakit nola eragin.
Orain ze kristo egin behar da
kalera atera dedin!
Iruditzen zait berekin zerbait
ez degula ondo egin. (bis)
Xamoa:
Hamabost urte ditu Iñakik
eta hamabost urteko
seme bat ez da kontu errexa,
badakit dagoeneko.
Bateko dela bazkariren bat,
zinema dela besteko…
Geure artean ibili degu
adiskideen antzeko.
Ez dakizu ze gogo daukadan
bere aita izateko. (bis)
J. Maia:
Ispilu aurrean harrapatu det
masailan behera bi malko
eta ikuste hutsakin nere
barrenean ze zartako.
Esaten diot ze ondo zauden,
ze handi, eta ze guapo.
Baina gizarte hau arrazoiz ta
balorez hain dago plako
eta agian ez du irten nahi
potolotxo dagolako. (bis)
Xamoa:
Ta ispilura begiratzeak
sarri eman dio mina
tamalez ez da bere pisua
bere kargarik handina.
Nahiago nuke hau aurrez aurre
esateko gai bagina,
baina tamalez gu bizkarrera
aritzen gera, jakina.
Hain zuzen bere adiskideek
egin dioten berdina. (bis)
J. Maia:
Nerabezaro krudela da hau
justizia du urruna,
beraz, etxean jaso behar du
falta duen maitasuna.
Hori da gure helburu eta
gure erantzukizuna.
Aita izateko gogoa dezu
hala da esan duzuna.
Biak batera izan beharko da
bere aita ta laguna. (bis)
Xamoa:
Ba, nik zalantzan jartzen det Jone
laguntasunaren rola.
Igual gehiago baita gurea
apoioa ta kontrola.
Badakit zaila izango dela
baina esan nahi diot hola:
“Gaur amarekin aterako naiz,
ez baldin bazaizu axola!”
Gure ttikia izateari
behingoz utz diezaiola. (bis)