Bertsos - Ver ficha Más información sobre esta sección
2016-12-17 Bilbo Txapelketa [Bertsoa] / Miren Amuriza
| Bertsoa entzun |
2016-12-17 Bilbo Txapelketa [Bertsoa] / Miren Amuriza
Localización:
XDZ - Xenpelar Dokumentazio Zentroa
Goizean altzatu eta
erausten dautsat pijama
kulero ta galtzerdiak
gero jantzi banan bana
armosutako prestatzen
dautsat maitasunez jana
ta goizean konpainia
eitea da nire lana
zelan aldatu leikean
etxe baten panorama
iktus bat gertatuz gero
egunero dago drama (bis)
orain bera da alaba
eta ni naz bere ama.
Belaunaldien artean
eraiki genduan zubi
ura orain ia lekuz
aldatu dala dirudi
lehen amak zaintzen ninduan
neskatila guri-guri
ta orain bere zaintzaile
sentibera ta urduri
harrezkero gure etxean
gauza oro danez mugi
kalera urten dot eta
negarrez hasi urduri (bis)
bere aurrean ez daian
malko bat ere isuri.
Nahiz eta momentu batez
kalean nazen aztora
barriro noa etxerantz
gure eskilaran gora
ama neuk zaintzeko egin
nahi izan neban aproba
ta ahalegina ez dot nahi
daiztan oin inork deitora
etxean sartu naz eta
dago komoda-komoda
“Miren non ibili zara,
berandu ez da izango ba?” (bis)
trankil ama hemen nago
etorri nire altzora.