BDB Bertsolaritzaren datu-basea

Información general

Kategoria

Bat-batekoa

Actuación

2016-10-21 Durango Jaialdia

Conductor/a

Zaldua, Ion

Bertsolaris / Autores

Iguaran, Oihana

Ejercicio

Bakarka gaia-emanda

Tema propuesto

Azkenaldian ohikoa bihurtzen ari da kanpora lan bila, esperientzia hartzera joatea. Eta gizartean ondo ikusia dago. Baina kanpotik hona etortzea hain ondo ikusia al dago? Adibidez hor daude errefuxiatuak kanpamenduz kanpamendu bizitza berri bat hasi nahian eta aukerarik topatzen ez dutela.

Descripción

Melodia

Abokatuak deitu berri dit

Nombre de la estrofa

Hamabiko handia (hg) / Sei puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2016-10-21 Durango Jaialdia [Bertsoa] / Oihana Iguaran

Nombre de la estrofa:  Hamabiko handia (hg) / Sei puntuko handia (ip) 
Localización:  XDZ - Xenpelar Dokumentazio Zentroa 

---

Gu lanen bila irteten gera
gure herritatik kanpo
eta Europan inoiz ez zaigu
txartel txuri bat faltako
ta beste batzuk egin nahi dute
bonben artetik eskapo
intxaur azalak barku bihurtuz
itsaso erdira salto.
Arazoetan hain dabiltz gizen
ta eskubideetan plako...
Ez dute aukerarik aurkitzen
ematen ez zaielako. (bis)

Europak noizbait amestu zuen
mugagabeko baldintza
eta itzaliz doaz pixkana
izarren dizdira printza.
Guretzat libre dira bideak
errez daukagu bizitza
ta beste batzuk dena hain gordin
bizitza horren murritza.
Askatasunak behar bazuen
Europa berriko giltza
hesiei mugak jarri nahi eta
mugak hesitzen gabiltza. (bis)

Ta siriarrak Turkian daude
honako aukeren faltan
ta ezin zutenak handik atera
herriko bonben matrakan.
Arazo gehitxo ez ote dago
ekialdeko atakan?
Eta gu berriz hain kezkatuta
gure soldataren markan!
Mediterraneo itsaso hori
dago hilobien plantan
ta gu oraindik itotzen gera
bakoitzaren ur tantatan. (bis)