BDB Bertsolaritzaren datu-basea

Informazio orokorra

Kategoria

Bat-batekoa

Saioa

2016-10-21 Durango Jaialdia

Gai-jartzailea

Zaldua, Ion

Bertsolariak / Egileak

Iguaran, Oihana

Lana

Bakarka gaia-emanda

Jarritako gaia

Azkenaldian ohikoa bihurtzen ari da kanpora lan bila, esperientzia hartzera joatea. Eta gizartean ondo ikusia dago. Baina kanpotik hona etortzea hain ondo ikusia al dago? Adibidez hor daude errefuxiatuak kanpamenduz kanpamendu bizitza berri bat hasi nahian eta aukerarik topatzen ez dutela.

Deskribapena

Doinua

Abokatuak deitu berri dit

Neurria / Estrofaren izena

Hamabiko handia (hg) / Sei puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2016-10-21 Durango Jaialdia [Bertsoa] / Oihana Iguaran

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Gu lanen bila irteten gera
gure herritatik kanpo
eta Europan inoiz ez zaigu
txartel txuri bat faltako
ta beste batzuk egin nahi dute
bonben artetik eskapo
intxaur azalak barku bihurtuz
itsaso erdira salto.
Arazoetan hain dabiltz gizen
ta eskubideetan plako...
Ez dute aukerarik aurkitzen
ematen ez zaielako. (bis)

Europak noizbait amestu zuen
mugagabeko baldintza
eta itzaliz doaz pixkana
izarren dizdira printza.
Guretzat libre dira bideak
errez daukagu bizitza
ta beste batzuk dena hain gordin
bizitza horren murritza.
Askatasunak behar bazuen
Europa berriko giltza
hesiei mugak jarri nahi eta
mugak hesitzen gabiltza. (bis)

Ta siriarrak Turkian daude
honako aukeren faltan
ta ezin zutenak handik atera
herriko bonben matrakan.
Arazo gehitxo ez ote dago
ekialdeko atakan?
Eta gu berriz hain kezkatuta
gure soldataren markan!
Mediterraneo itsaso hori
dago hilobien plantan
ta gu oraindik itotzen gera
bakoitzaren ur tantatan. (bis)