Bertsos - Ver ficha Más información sobre esta sección
2016-02-12 Getxo Sariketa [Bertsoa] / Aitor Servier
| Bertsoa entzun |
2016-02-12 Getxo Sariketa [Bertsoa] / Aitor Servier
Nombre de la estrofa:
Hamabiko handia (hg) / Sei puntuko handia (ip)
Localización:
XDZ - Xenpelar Dokumentazio Zentroa
Boladatxo bat igaro nuen
nere sentipenak gordez
barruko harra elikatuaz
kanpora atera ordez.
Ostegun batez Kafe Antzokian
hurbildu zinen adorez
nere bisaia jantzi egin zen
ilusioz ta kolorez.
Gero harremana hasitakoan
baneukan aski ondoez
zalantza asko neuzkan buruan
serio hasi edo ez.
Une batzutan sentitu arren
ez genuela lortuko
baldintzak argi jarri ditugu
bilakatzean gertuko.
Baina bikote bihurtu gara
konpromisoa ta punto
ordea hori gureganatzen
inoiz ez dugu galduko
elkarrikeko errespetua
biok dugu hainbat truko.
Gauza bakarra argi daukat nik:
ez naizela damutuko.
Kontrolgabeko harreman batek
ekartzen duen jarduna
besteentzako izan liteke
ulertezina, iluna.
Sarri maitasun romantikoa
eredutzat daukaguna
bihur liteke askatasuna
ukatzeko erresuma.
Ia egunero hautatzen dugu
hartu edo ez maitasuna
erabaki hau baita edonoiz
aldatu dezakeguna.