2017-10-14 Tolosa Txapelketa [Bertsoa] / Maddalen Arzallus, Etxahun Lekue

Zinemagintza ikasi zenuten elkarrekin. Zu, Etxahun zine-zuzendaria zara, eta Maddalen zine kritikaria. Etxahun, zure azken filmari buruz kritika zorrotza egin dizu Maddalenek.

Descripción

Melodia

Orioko balearena

Nombre de la estrofa

Zortziko txikia (hg) / Lau puntuko txikia (ip)

Bertso kopurua

Localización

Localización: XDZ - Xenpelar Dokumentazio Zentroa
Colección / Fondo / Proyecto: Txapelketetako Bilduma

2017-10-14 Tolosa Txapelketa [Bertsoa] / Maddalen Arzallus, Etxahun Lekue

Nombre de la estrofa: Zortziko txikia (hg) / Lau puntuko txikia (ip)
Localización: XDZ - Xenpelar Dokumentazio Zentroa

E. Lekue:
Nire ustez egin dot
filme bat itzela
ta zuri irakurri
hau dala ustela
karreran zuk kontatzen
zenduan horrela:
kritikoak zuzendari
frustratuak zirela. (bis)

M. Arzallus:
Aktoreak pagatu
dituzu kario
baina ez du ez trama
ta ez argudio
frustratu bati entzun
zaiozu serio
porno txar baterako
ere ez du balio! (bis)

E. Lekue:
Zureak irakurri
ta ene dilemak
pentsatu dot “Akabo
Etxahunen problemak!”
izan be deukiezanak
kritika txarrenak
dira audientzi gehien
eukiten dabenak. (bis)

M. Arzallus:
Baina audientzia
izan duzu gutxi
nola paisaia ere
zegoen itsusi
askoz pertsona gehiok
zezakeen ikusi
hartu izan baninduzu
aktore nagusi. (bis)

E. Lekue:
Orain emon dostezu
beste zenbait datu
kontua apurka-apurka
argitu ein jaku
izan be zu Maialen
zaitugu parkatu
zuzendari frustratu
ta aktore frustratu. (bis)

M. Arzallus:
Baina kritikan badut
hamaika bertute
hortarako ikasi
ditut hiru urte.
Sari hau zuri edo
emango nizuke
pelikula txarrenek
Oskarrik balute. (bis)

BDB Bertsolaritzaren datu-basea

Bertsos - Ver ficha Más información sobre esta sección