Bertsos - Ver ficha Más información sobre esta sección
2018-11-18 Berriz Txapelketa [Bertsoa] / Miren Amuriza
| Bertsoa entzun |
2018-11-18 Berriz Txapelketa [Bertsoa] / Miren Amuriza
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Hamalau urte daukadaz eta
bikotean perspektiba
da joatea lokalera ta
botatea sofa erdira
nire gainean jarri da eta
kuleroak erretira
sartu atara, atara-sartu
ziostan: "hau da desira"
amaitu dogu ta oihukatu dau:
"Biba Miren, Miren biba"
eta ni barriz isil-isilik
goiko lanparei begira.
Nire mutilak sofa ganean
egin ahala garrasi
lanpararekin batera amaitu
jataz hamaika fantasi
behin honezkero lotsak alboan
lagatzea hoba, kasi
berari ez eze neure buruai
gura dotsat sorrarazi
eskutik heldu ta pentsatu dot:
"hoba masturbatzen hasi!"
Belarri ertzera joan ta esan deutsat:
"ikusi eta ikasi!"
Haserretu da eta ni hasi
najakona baxu-baxu
ez deust ba erantzun oihu batean
izerdituta jo ta su:
"zer uste dozu baina zuk Miren
ni lerdotzat al naukazu?"
"Ez, ez maitea lerdoa ez baina
nobatotxoa zara zu"
eta esplikau deutsudan dana
ondino argi ez badaukazu
topau Google-en klitoria ta
bertan agertuko jatsu.