BDB Bertsolaritzaren datu-basea

Información general

Kategoria

Bat-batekoa

Actuación

2018-01-14 Getaria (G) Jaialdia

Conductor/a

Alberdi, Uxue

Bertsolaris / Autores

Lujanbio, Maialen

Tema propuesto

Militantea izan zara zure bizitza osoan. Entrega, konpromisoa, lana azpimarratzen dituzte zure kideek. Segurtasuna eman izan dizu beti egitura baten parte sentitzeak. Taldetasunari, kolektiboari esker jasaten duzu zure burua. Bilerekin betetzen duzu aisialdia; teorizazioarekin baretzen duzu antsietatea. Gaur ere nekatuta eta zigarro. Usainarekin iritsi zara etxera, langile-auzo bateko 10. pisura. Bilera batetik, gaueko 23:00etan. Emailak erantzuten ari zinela sumatu duzu kearen usaina. Balkoira atera zara. Eraikina sutan dago. Trinkoa da ke-lainoa eta garrek piztia baten erpeak dirudite. Korrika, etxetik irten eta teilatura igo zara. Ez duzu ihesbiderik. Telefonoa patrikan duzula ohartu zara orduan. 3 audio-mezu grabatu dituzu, zure azken hitzak direla jakitun, kea eta garrak gero eta gorago datozen bitartean.

Gaiari oharrak

Bakarkako ariketa, kartzelako moduan azaltzen die jaialdian Sustrai Colina eta Maialen Lujanbiori gaia.

Descripción

Melodia

Haizea dator ifarraldetik

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2018-01-14 Getaria (G) Jaialdia [Bertsoa] / Maialen Lujanbio

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

Iraganetik gaur egunera
Euskal Herriko ibilgu
bide luzean elkarrengana
ez gara asko hurbildu.
Euskalgintzarik ez da indartu
ez herririk borobildu
egurra jaso urteetan eta
azkenerako umildu.
Jar ezazue nere eskelan
hortako indarra bildu:
“Borrokak falta zuen sugarrak
borrokalaria hil du”.

Zenbat bilera, zenbat otordu
zenbat eztabaida laino!
Nere txostenek zenbat alper hitz
papel sortek ze tamaino!
Euskal Herria ezkertiarra
ez da bihurtu gaurdaino
ez feminista, ez euskalduna
ta nere ametsa zan ño!
Ez dakit bada jarri ondoren
hainbat lan eta empeño
nigandik ezer geratuko den
nere erre usaina baino.

Beraz epika apur batekin
agur nere aberria
agur urteetan isuri dedan
alferreko izerdia
agur pentsatu beharrik eman
ez didazun alderdia
agur lagunak adiskideak
ta agur beste erdia.
Borrokalari apal bat doa
ario Euskal Herria.
Errautsetatik sortu dedila
biharko herri berria!