BDB Bertsolaritzaren datu-basea

Información general

Kategoria

Bat-batekoa

Actuación

2018-08-20 Bilbo Jaialdia

Conductor/a

Bilbao, Joserra

Bertsolaris / Autores

Estiballes, Arkaitz

Ejercicio

Bakarka gaia-emanda

Tema propuesto

Jakin izan dugu Donostiako jaietan hamabost urteko neska bat bortxatu zutela. Eta bortxatzaileak adin bereko mutilak zirela. Zu, bi alabaren aita zaren aldetik, zer hausnarketa egiten duzu?

Descripción

Melodia

ETAren su-etenetik

Nombre de la estrofa

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2018-08-20 Bilbo Jaialdia [Bertsoa] / Arkaitz Estiballes

Nombre de la estrofa:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Localización:  XDZ - Xenpelar Dokumentazio Zentroa 

---

A. Estiballes

Maitasun romantikotik
joan behar dela ihesi
zenbat Kupido faltsu ta
zenbat kariño ta gezi
bihurtu ohi dena kontrol
muga edota harresi
ta bide horretan dena
ez da ez gero gerezi.
Horrek egia esan ditu
hemen nahikoa gabezi
nik bi alaba badauzkat
gazte, libre ta berezi
eta askatasunean
gurako nituzke hezi. (bis)

Baina ez naiz soilik kezkatzen
naizen aldetik guraso
gizon naizelako ere
badut kezka hau akaso.
Askotan jaietan eta
bihurtu ohi gara marrazo
ta ikutu txikiena
badakit dela eraso.
Askok erabaki dute
gaur ez egitea kaso
baina berba itsusi bat
edota eskua jaso
egoera hoien aurrean
ezin dugu egin paso. (bis)

Egoera hau mantentzen
ari denez urteetan
eta aldaketa asko
ezin suma gazteetan.
Hezkuntza arazo bat da
nik argi daukat benetan
eta eztenez den-dena
gero etortzen da bueltan.
Zerbait gertatzen denean
denak “Ui, ui, ui” penetan
hiru edo lau politiko
irrifartsu pankartetan
baina zenbat inbertitzen
dute gero heziketan? (bis)