BDB Bertsolaritzaren datu-basea

Información general

Kategoria

Bat-batekoa

Actuación

2020-06-29 Asteasu Jaialdia

Conductor/a

Agirre, Amaia

Bertsolaris / Autores

Arzallus, Amets

Ejercicio

Bakarka gaia-emanda

Tema propuesto

Apiril erdian Berrian Andonik honela idatzi du: “Gile gara gu ere, kulturgile. Baina ez gaituzte esentzialtzat jotzen. Pandemia honek begi-bistan ipini du kontraesana: denek kulturgileen lanetik jotzen dute itxialdia goxatzeko. Eta, aldi berean, txakurraren ipurdia gara, bai lanera itzul gaitezen aurreikuspenetan eta bai laguntza-poltsen lehentasunak ipintzeko garaian ere. Guk entretenimendu hutsetik haragoko zerbait bagarela sinesten dugu, herri baten bizkarrezurra eraikitzeko garaian kultura ezinbestekoa dela. Nahi dugulako gara sortzaile eta kulturgile."
Zu ere, Amets, kulturgilea zara. Nola bizi izan duzu azken bolada, kulturgintza ikuspegitik eta soldata aldetik?

Descripción

Melodia

Gure aurreko guraso zaharrak

Nombre de la estrofa

Hamarreko handia (hg) / Bost puntuko handia (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2020-06-29 Asteasu Jaialdia [Bertsoa] / Amets Arzallus

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

Nunbait kantatzen duen herri bat
ez omen da inoiz hiltzen
esaldi hori plaka zaharretan
dutenez soilik han biltzen
bi hilabete edo hirutan
ahalegindu naiz isiltzen
ez bertsorik ta ez plazarik ta
neure baitara hurbiltzen
ta aldi berean ikasten joan naiz
gutxiagokin bizitzen.

Diru sarrerak ere apenas
hala zelako derrigor
ta ez nezaiokeen sailburuari
mezu eskaerarik igor
aitortuko dut hiru hilabetez
patrika izan dut idor
baina begira ingurutara
eskaleak han ta ni hor
kejatzea ez zait asko gustatzen
ta gainera ez naiz inor.

Baina horiek dira neuregan
bukatzen diren problemak
hori baino ere harago doaz
herri ta kultur sistemak
eta nik neure egiten ditut
Andonik dituen lemak
bertsoak herri egin gaitzake
luzatuz gero antenak
eta ez soilik asfalto, auto
eraikuntzak eta trenak.