Bertsos - Ver ficha Más información sobre esta sección
2022-07-16 Markina-Xemein Jaialdia [Bertsoa] / Maddalen Arzallus
Bertsoa entzun |
2022-07-16 Markina-Xemein Jaialdia [Bertsoa] / Maddalen Arzallus
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Nahiz ta askotan aitzaki hartu
alkoholaren gora-beherak
nahiz ta burua nahasten diguten
iluntzeak ta bezperak
hori entzunda nere burura
etortzen dira galderak
etortzen zaizkit zergati asko
ta etortzen zaizkit zebak
gauak ez zuen ezer hondatu
dena hondatu du berak.
Baina askotan nahasgarria
da oso kazetaritza
ta ongi ustez haien lumekin
zirriborroka dabiltza
iruditzen zait titular hori
okerra eta bortitza.
Zer hondatu da? Zer hondatu da?
Ba, gizartearen hitza
ta batez ere hondatu zuen
neskatilaren bizitza.
Baina gizonak badauka hitza
eta gizonak indarra
berak jartzen du gizarte hontan
nahi duen lekuan marra
eta ondoan alperrik bada
emakumeen marmarra
iruditzen zait gure mundua
dagola galdu xamarra
ta gizartea dela erabat
hondatu dugun bakarra.