Bertsos - Ver ficha Más información sobre esta sección
2023-03-24 Zornotza Jaialdia [Bertsoa] / Janire Arrizabalaga
| Bertsoa entzun |
2023-03-24 Zornotza Jaialdia [Bertsoa] / Janire Arrizabalaga
Nombre de la estrofa:
Hamabiko handia (hg) / Sei puntuko handia (ip)
Localización:
XDZ - Xenpelar Dokumentazio Zentroa
Nahiz ta kanonek izaten duten
gugan hainbeste botere
norberak dauka bere barnean
lantzeko hainbeste erliebe
eta ez nuke gura nik izan
goiko horien titere
baina oraintxe galdera horrek
ez dit egiten mesede
berez gaztea nauzu oraindik
ta egiten zait xelebre
zeren oraindik ez dakit ondo
zer izan nahi dudan ere. (bis)
Galdera entzun ta geratu naiz
une batean trantzeko
sentitu bainaiz orientatzaile
gela horrexen antzeko
batxillerrean nituen eta
mila karrera lantzeko
medikuntza bat, kazetaritza
ikusentzuna ostantzeko
ta horregatik hementxe nago
aukera hoiek tarteko
zenbat denpora dudan aurretik
ta zenbat aukeratzeko! (bis)
Baina galderak egitea ongi
etortzen zaigu tarteka
harremanetan ta nigan ere
egiten dut gogoeta.
Ez nuke gura inor alboan
hartzen nauenik kolpeka
ez nuke gura lan bat niregan
uzten nauenik erreta
nahiko nukeela bizitza duin bat
erosoa ta oreka
oraingoz ni neu izatearekin
sobera dudala eta. (bis)