BDB Bertsolaritzaren datu-basea

Información general

Kategoria

Bat-batekoa

Actuación

2023-09-29 Loiu Jaialdia

Conductor/a

Beitia, Iñaki "Arbildu"

Bertsolaris / Autores

Enbeita, Onintza

Paya, Xabi

Ejercicio

Binaka gaia-emanda

Tema propuesto

Antza denez euskaldunek oporretara joateko Grezia aukeratzen dute. Eta datuen arabera, munduan larrutan gehien egiten den lurraldea Grezia ei da.

Descripción

Melodia

Orioko balearena

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2023-09-29 Loiu Jaialdia [Bertsoa] / Onintza Enbeita, Xabi Paya

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

X. Paya
Uztaila iritsi ta
beharra lagata
oporretan joateko
aukera aparta
Greziara joan gaitezan
hamen dago mapa
harriak jasotzeko
leku ona da ta. (bis)

On. Enbeita
Harriak altzetako
aldez eta moldez
Euskal Herrian dagoz
mendiak kolorez
ni ez noa Greziara
ez barkuz, ez oinez
guk han be eingo geunke
dana hemengo lez. (bis)

X. Paya
Han desberdin hartzen da
hondartzan arnasa
hartuko deuskue ba
euskaldunon traza
han antza asko dago
sexuan jolasa
lehenengo harria altxa
ta harritik pasa. (bis)

On. Enbeita
Han sexua dagola
zu esaten parau
ta hemen daroagu
zortzi hile barau
zu ta ni ikusita
nahiko seguru nau
Urkiolako harriak
bezela funtzionau. (bis)

X. Paya
Ze Urkiolako harri
ta Anbotoko Mari!
Mitologia horretan
a ze kategori!
Greziak aldiz badu
hamaika istori
ez zan Muxikan jaio
Afrodita hori! (bis)

On. Enbeita
Muxikan neu jaio naz
pausu eta arnas
ta ez naz gitxi akordau
ni Afroditagaz
ha be’ aspertuko zan
sexuaz, jolasaz
nik legez eingo baleu
beti bardinagaz. (bis)

X. Paya
Euskal Herria hain da
sexuan motela
guk egin behar dogu
Grezian bezela
oin dala hainbat urte
hoiek ze nibela
ta bardin jaten dabe
arrain zein okela. (bis)

On. Enbeita
Bardin doaz batera
ta bardin bestera
bizitza modernoa
antza horixe da
guri aspaldi joan
jakunez aukera
jogurt griego bat janda
goazen ohera. (bis)

X. Paya
Ez nozu konbentzidu
ni halako erraz
bihar bertan Greziara
joango naz hegaz
sexua egingo dot
pila bat ademas
pentsatu kapitala
deitzen da Antenas. (bis)

On. Enbeita
Antenak auzoan be
balkoietan dabiz
joan gura badozu
ba alperrik gabiz
sasoi baten egon zan
han be’ Varoufakis
oin be joango nintzake
han egongo balitz. (bis)