Bertsos - Ver ficha Más información sobre esta sección
2023-11-25 Lemoa Txapelketa [Bertsoa] / Oihana Bartra, Aissa Intxausti
| Bertsoa entzun |
2023-11-25 Lemoa Txapelketa [Bertsoa] / Oihana Bartra, Aissa Intxausti
Nombre de la estrofa:
Hamarreko txikia (hg) / Bost puntuko txikia (ip)
Localización:
XDZ - Xenpelar Dokumentazio Zentroa
A. Intxausti
Askatasunerako
noski, nuen grina
etxe bat eta lan bat
da gauza jakina
pentsatze hutsarekin
dut tripako mina
kokatzeko nik egin
behar ahalegina
orain arte hau baitzen
imajina ezina. (bis)
O. Bartra
Etxea izan duzu
aspalditik ziega
ta hemendik gutxira
behar zara atera
zelan bueltauko zaren
pixkana etxera
eta zelan eraiki
zure izaera
imajinauko dugu
zurekin batera. (bis)
A. Intxausti
Nola ikusten duzu?
Ez esan gezurra
han hartuko ote dut
kolpea, egurra?
Aspaldi joana da
lehen neukan apurra
barruko kideei
emanda agurra
lehen gogoa neukan
ta orain beldurra. (bis)
O. Bartra
Beldurra izaten da
aldaketen etsai
baina behin aterata
guztiok ze lasai
parrandan zein kalera
edota jairik jai
hemen dena aldatu da
mundu eta garai
guztia aldatu da
baina zu ere bai. (bis)
A. Intxausti
Noski aldatu naizela
hori ezin uka
nola harremantzen da
zein da gaurko looka?*
Nire zalantza denak
oin ezin izkuta
baina seguru nago
banago galduta
eramango nauzula
eskutik helduta. (bis)
O. Bartra
Kartzelan guztia da
besteen oihartzuna
funtzionarioak “guau”
ta zuk erantzuna
ordutegi zehatza
ta oso zurruna
zuretzako ez al da
azkenik summuma
zuk erabakitzea
egiten duzuna? (bis)
*Bertsolariak “luka” ahoskatu du