BDB Bertsolaritzaren datu-basea

Información general

Kategoria

Bat-batekoa

Actuación

2024-08-15 Gernika-Lumo Jaialdia

Conductor/a

Elortegi, Ander

Bertsolaris / Autores

Martin, Alaia

Ejercicio

Bakarka gaia-emanda

Tema propuesto

20 urte egon zara kartzelan; urteetan sakabanatuta eta dispertsatuta, azken biak Euskal Herrian. Azken hilabeteetan erdi-askatasunean eroan duzun pultsera uztera joan zara gaur Basauriko kartzelara. Zigorra amaitu duzu; azken egunera arte eduki zaituzte.

Descripción

Melodia

ETAren su-etenetik

Nombre de la estrofa

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2024-08-15 Gernika-Lumo Jaialdia [Bertsoa] / Alaia Martin

Nombre de la estrofa:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Localización:  XDZ - Xenpelar Dokumentazio Zentroa 

---

Gaztetatik izan nintzen
euskor eta egoskorra
garai hartan gogorrago
izan behar zen maskorra
borrokatu nuen, ustez
izan nintzen emankorra
baina batzuen kondena
da beste baten altxorra
pultsera eskumuturrean
laguntzat izan dut horra!
Eta gaur amaituko da
data baitzen derrigorra
niri eta senideei
jarri ziguten zigorra. (bis)

Eta egon behar nuke
agian pozez zoratzen
ordea bi oinak zaizkit
asfaltotan hondoratzen
lagunengana joan nahi
ta ezin oroitu nora zen.
Garaiak aldatu dira
denok aitortzera goazen
lehen presoen gaia baitzen
kalean maiz ahoratzen
baina jada gure minak
ez du asko aztoratzen
ta jende gehiena ez da
gutaz asko gogoratzen. (bis)

Hainbeste urtetan naiz eta
ez erabat galdu senik
ez ahaztu oroitzapenik
eta lagunen izenik
ez dut sentitzen kalean
paseatzeko baimenik
hemen zaratak ez baitu
inoiz izaten etenik.
Izango al dut biharrik?
Izango al dut kemenik?
Pultsera utzi ta nora
aldegingo dut hemendik?
Askatasuna nahi nuen
baina beldurra ematen dit. (bis)