Bertsos - Ver ficha Más información sobre esta sección
2024-10-05 Azpeitia Txapelketa [Bertsoa] / Maider Arregi Markuleta
| Bertsoa entzun |
2024-10-05 Azpeitia Txapelketa [Bertsoa] / Maider Arregi Markuleta
Nombre de la estrofa:
Hamahirukoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Localización:
XDZ - Xenpelar Dokumentazio Zentroa
Militantzia beti
ez dugu emankor
eta agertu ohi da
arazoren bat hor
identitate batzuk
beti iragankor
beti sator-zulotan
sartutako sator
hemen gatoz indartsu
pozik ta oldarkor
igual ez batzuk nahiko
luketen lez, jator
(hemen gatoz indartsu
pozik ta oldarkor)
Harrotasun Eguna
berriz ere dator.
Kideei eman diet
lehenik besarkada
prestatuta daukagu
kristoren txapada
batzuk aspertu egingo
dira beharbada
baina guregan dago
euren begirada
nahiz ta etorri diren
hainbeste kamara
eta hemen dauzkagun
bertatik bertara
(nahiz eta etorri diren
hainbeste kamara)
beste egunetan ere
existitzen gara.
Etorri dira Gara
eta Uztarria
gaur izango da egun
gogoangarria
gure egoera da
batzutan larria
eta batzutan ez da
eramangarria
baina gaur begirada
guregan jarria
izango gara zerbait
erakargarria
(baina gaur begirada
guregan jarria)
zabaldu dezatela
gure aldarria.