Bertsos - Ver ficha Más información sobre esta sección
2005-12-18 Barakaldo Txapelketa 16:30 [Bertsoa] / Unai Iturriaga
| Bertsoa entzun |
2005-12-18 Barakaldo Txapelketa 16:30 [Bertsoa] / Unai Iturriaga
Nombre de la estrofa:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localización:
XDZ - Xenpelar Dokumentazio Zentroa
Badaukat familia bat
familia bat itzela
lagun kuadrila bat ere
falta zait haien epela
prestatu dut telefono
gorritxo batekin gela
zigarro bat piztu eta
itxoingo diet horrela
baina denbora badoa
ta tristezia umela
negar egiteko gogoz
urtebetetze krudela
uste nun baten batentzat
garrantzitsua nintzela
neuk ere ez nien deitu
izorratu daitezela.
Ez dut hotsik bat aditzen
ez telefono ez flauta
ez zorionak zuri ta
ezta Iturriaga aupa
normala ere izan leike
nolakua naizen pentsauta
lagunentzako sekula
ez naiz izan kriston mauka
euren kontura bizi naiz
egunero taupa-taupa
baten eta bestearen
nobia sarri dut hauta
akaso hargatik ez daude
zoriontzeko prestauta
baina gaur egun jendeak
errukirik ere ez dauka.
Amorrua bilakatu
zait barruan neukan grina
nola gaiztotu litekeen
garuna gure makina
akabo ez dut itxarongo
telefonoan rin-rina
ardo min bihurtuko dut
ez deitzearen samina
txanpana neuk edango dut
ta hartuko dut dopina
nola ipiniko naizen
ez nezake imajina
doazela pikutara
lagunak ta Ama Birjina
eurentzat beti eukiko dut
gaur arte neukan adina.