Bertsos - Ver ficha Más información sobre esta sección
2007-07-01 Igeldo Jaialdia [Bertsoa] / Amaia Agirre, Andoni Egaña
2007-07-01 Igeldo Jaialdia [Bertsoa] / Amaia Agirre, Andoni Egaña
Nombre de la estrofa:
Neurri berezikoak
Localización:
XDZ - Xenpelar Dokumentazio Zentroa
A. Agirre: Maiz purrusta mingainera
eta zu arbel aurrera
holaxe ibiltzen gera.
Nik berorika ederki dakit
ohitua nago gainera;
errespetuak izan behar du
berdinetik berdinera. (bis)
A. Egaña: Gandor eta guzti hemen
oilar hau tira ta eten
ta hara zenbat dezakeen!
Ene ikasle "zera" eta "zu"
lehenbailehen burutikan ken
ta azkar-azkar ikasi zazu
berorika hitz egiten. (bis)
A. Agirre: Badezu mila bertute
jakintzan hainbat entzute
irakasten hogei urte.
Gure aitonan esaera zahar bat
jakin behar dezu zuk'e:
bat'e ez izan ta asko uste
hoixe da "Mierda para usté". (bis)
A. Egaña: Hola ez goaz inora
hara gaztetxoen moda
egin nahi nuen aproba...
Ta ikaslea nun hasi zaidan
kaka behera kaka gora!
Aizu berori asunto hori
serio hartu beharko da. (bis)
A. Agirre: Ez zan esaldi motela
nahiz ta zuretzat ustela
badakidan izan dela.
Bai berorika hasi gaitezen
nekatzen zera bestela
zuk ere goitik hitz eiten dezu
agintariek bezela. (bis)
A. Egaña: Goitik eiten det ujua
zuk dezu maila bajua
ni neu ez nago lur jua.
Aita-amak lagun, maisuak lagun
gaur egun gure lujua
eta ondorio nabarmena da:
mundua hola dijua! (bis)
A. Agirre: Benga bai zera! bai zera!
Irten zaitez arbelera
guri atzea ematera.
"Denak lagunak denak lagunak..."
Baina zertan ari gera?
Gure kolega izan nahi dezu
ta lagun ere ez zera. (bis)
A. Egaña: Ez zaite izan txepela!
Aurrean daukat arbela
ez zaite hasi horrela!
Ez al dakizu kolega lego-
legis-etik datorrela?
Eta kolegak hain xuxen ere
ikaskideak direla. (bis)